سەنبٸ كٷنٸ بارسەلونا مەن ونىڭ ماڭىندا COVID-19 جۇقتىرعاندار سانىنىڭ ٶسۋٸنە بايلانىستى ەكٸنشٸ 15-كٷندٸك لوكداۋن ەنگٸزٸلدٸ, دەپ حابارلايدى EFE.
جەرگٸلٸكتٸ بيلٸك شەكتەۋلەردٸ سوڭعى اپتادا COVID-19 ۆيرۋسىنا شالدىعۋ وقيعالارىنىڭ سانى ايتارلىقتاي ٶسٸپ كەتكەننەن كەيٸن ەنگٸزۋ تۋرالى شەشٸم قابىلداعان. ٶڭٸرلٸك ٷكٸمەت جاڭا شەكتەۋ شارالارى تۋرالى جۇما كٷنٸ حابارلاپ, تۇرعىنداردان ٷيلەرٸنەن اسا قاجەت بولماسا شىقپاۋىن سۇرادى. 10 ادامعا دەيٸن جينالاتىن قوعامدىق شارالاردى ٶتكٸزۋگە رۇقسات بەرۋ تۋرالى شەشٸم قابىلداندى. مەيرامحانالار مەن بارلار ادامدارعا 50 پايىزعا دەيٸن تولىپ جۇمىس ٸستەيتٸن بولادى. ال تٷنگٸ كلۋبتار, كينوتەاترلار, تەاترلار مەن سپورت زالدارىنىڭ جۇمىسى توقتادى.
بارسەلونا مەن ونىڭ استانالىق ايماعى – كاتالونيياداعى حالىق تىعىز ورنالاسقان اۋدان, كوروناۆيرۋس ينفەكتسيياسىنا شالدىعۋدىڭ 70-كە جۋىق پايىزى دەل سول جەردە انىقتالعان.
جۇما كٷنٸ ايماقتىق دەنساۋلىق ساقتاۋ ورگاندارى ٶڭٸردە سوڭعى 24 ساعاتتا جاڭا 1293 وقيعا تۋرالى حابارلاعان, سونىڭ ٸشٸندە ٸندەتكە شالدىققان 884 ادام – بارسەلونانىڭ استانالىق اۋدانىنان.
رەسمي مەلٸمەت بويىنشا, كاتالونييادا پاندەمييا باستالعاننان بەرٸ COVID-19 جۇقتىرۋدىڭ 80 700-دەن استام وقيعاسى تٸركەلگەن.
شەكتەۋلەر لەريدا قالاسىنا دا تيەسٸلٸ. وسى اپتانىڭ باسىندا كاتالونييادا ٷلكەندٸگٸ جاعىنان ەكٸنشٸ ورىندا تۇرعان وسپيتالەت-دە-لوبرەگات قالاسىندا ارنايى شارالار قابىلدانعان.
