"بارسەلونا" فۋتبول كلۋبىنىڭ جاڭا پرەزيدەنتٸ سايلاندى. وسىلايشا 58 جاستاعى يسپان زاڭگەرٸ جوان لاپورتا كلۋب باسشىسى اتاندى.
جوان لاپورتا بۇعان دەيٸن دە "بارسەلونا" پرەزيدەنتٸ بولعان. ول بۇل قىزمەتتٸ 2003-2010 جىلدار اراسىندا اتقاردى. وسى كەزەڭدە كلۋب تٶرت رەت لا ليگانى, ەكٸ رەت چەمپيوندار ليگاسىن جەڭٸپ الدى. جالپى العاندا 12 تۋرنيردە توپ جارعان.
كلۋب پرەزيدەنتٸنە كانديداتتار قاتارىندا ۆيكتور فونت پەن توني فرەيشالار بولدى. ەميلي رۋسسو مەن اۋگۋستي بەنەديتو سايلاۋدى جالعاستىرماي, ٶز كانديداتۋراسىن الىپ تاستاعان.
سايلاۋ نەتيجەسٸ بويىنشا لاپورتا 54,28 پايىز (30 184 داۋىس) جينادى. ۆيكتور فونتقا 29,99 (16 679), توني فرەيشاعا 8,58 (4 769) ادام داۋىس بەرگەن.
بىلتىر قازاندا حوسەپ مارييا بارتومەۋ "بارسەلونا" پرەزيدەنتٸ قىزمەتٸنەن كەتكەن بولاتىن. كەيٸنگٸ جىلدارى كلۋب نەتيجەسٸ تٶمەندەپ, كوماندا كاپيتانى ليونەل مەسسي كلۋبتان كەتپەك بولعان ەدٸ.
