اقش پرەزيدەنتٸ دجو بايدەن "جاعداي ٶتە جىلدام ٶزگەرۋٸ مٷمكٸن" دەپ مەلٸمدەپ, امەريكا ازاماتتارىن ۋكراينادان دەرەۋ كەتۋگە شاقىردى. بۇل تۋرالى ازاتتىق راديوسى حابارلادى.
"امەريكا ازاماتتارى دەل قازٸر كەتۋٸ تيٸس" دەدٸ بايدەن NBC News تەلەارناسىنا بەرگەن سۇحباتىندا.
"ەلەمدەگٸ ەڭ ٸرٸ ارمييالاردىڭ بٸرٸمەن شارۋاعا كەزٸگٸپ وتىرمىز. بۇل مٷلدە باسقا جاعداي جەنە بەرٸ تەز ارادا جىلدام ٶزگەرۋٸ مٷمكٸن" دەدٸ رەسەي قارۋلى كٷشتەرٸن مەڭزەگەن بايدەن.
ول سونىمەن بٸرگە رەسەي تٸپتٸ ۋكرايناعا باسىپ كٸرسە دە, امەريكالىقتاردى قۇتقارۋ ٷشٸن ەسكەر جٸبەرمەيتٸنٸن اتاپ ٶتتٸ.
"وندا بۇل دٷنيەجٷزٸلٸك سوعىسقا اينالار ەدٸ. امەريكالىقتار مەن ورىستار بٸر-بٸرٸنە وق اتا باستاسا, مٷلدە باسقا ەلەمگە تاپ بولامىز" دەدٸ بايدەن.
ونىڭ پٸكٸرٸنشە, "ەگەر ۆلاديمير پۋتين [ۋكرايناعا] باسىپ كٸرەتٸندەي اقىماق بولماسا, امەريكا ازاماتتارىنا تەرٸس ەسەر ەتەتٸندەي ەشتەڭە جاساماۋعا دا اقىلى جەتۋٸ تيٸس".
امەريكانىڭ Wall Street Journal باسىلىمى تاياۋدا امەريكالىقتاردى پولشادان كٶشٸرۋ جوسپارى ماقۇلدانعانىن حابارلاعان. امەريكالىقتار ول جاققا ۋكراينادان ٶزدەرٸ بارۋى تيٸس. قاڭتار ايىندا پولياك بيلٸگٸ رەسەي باسىپ كٸرسە, ۋكراينادان كەلەتٸن بوسقىندارعا ارنالعان ٶتكەل جاساپ قويعان. ۆارشاۆا ميلليونعا دەيٸن ادامدى قابىلداۋعا دايىن.
وسى اپتادا اقش مەملەكەتتٸك دەپارتامەنتٸ ۋكراينانى "قىزىل تٸزٸمگە" ەنگٸزٸپ, ازاماتتارىنا ول جاققا بارماۋعا كەڭەس بەرگەن. ۆەدومستۆو "رەسەيدەن ەسكەري قاۋٸپ زورايعان شاقتا" ۋكرايناداعى بارلىق ازاماتتارىنا ەلدەن شۇعىل كەتۋگە كەڭەس بەردٸ.
قاڭتار ايىندا اقش مەملەكەتتٸك دەپارتامەنتٸ كيەۆتەگٸ ەلشٸلٸگٸ قىزمەتكەرلەرٸنە ٶز ەركٸمەن ۋكراينادان كەتۋگە رۇقسات بەرگەن, ال ولاردىڭ وتباسىلارى ول ەلدە قالماۋى تيٸس بولعان. ۇلىبريتانييا مەن كانادا دا ديپلوماتتارىن ەۆاكۋاتسييالاعان. ٸزٸنشە ولاردىڭ قاتارىنا گەرمانييا مەن اۆسترالييا دا قوسىلدى.
