بانگكوكتە بار ٶرتەنٸپ, 27 ادام قازا تاپتى, دەپ حابارلايدى ult.kz.
تايلاند استاناسى بانگكوكتە ورنالاسقان ويىن-ساۋىق ورىندارىنىڭ بٸرٸندە جويقىن ٶرت شىعىپ, كەمٸندە 27 ادام قازا تاپتى. قايعىلى وقيعا 13 شٸلدەگە قاراعان تٷنٸ چاتۋچاك اۋدانىنداعى تانىمال باردا بولعان.
بيلٸك ٶكٸلدەرٸنٸڭ مەلٸمەتٸنشە, قازا تاپقانداردىڭ باسىم بٶلٸگٸ جالىننان ەمەس, عيمارات ٸشٸن لەزدە باسقان قويۋ تٷتٸنگە ۋلانىپ كٶز جۇمعان. كٶپتەگەن ادام عيماراتتىڭ ارتقى بٶلٸگٸندەگٸ دەرەتحانا ماڭىندا قالىپ قويعانى حابارلاندى.
سوڭعى مەلٸمەت بويىنشا, تاعى 63 ادام تٷرلٸ دەڭگەيدە جاراقات العان. ولاردىڭ 22-سٸنٸڭ جاعدايى اۋىر, زارداپ شەككەندەر جاقىن ماڭداعى اۋرۋحانالارعا جەتكٸزٸلگەن.
الدىن الا اقپاراتقا سەيكەس, ٶرت ساحنا ماڭىنداعى ەلەكتر قالقانىنان شىققان تٷتٸننەن باستالعان. كٶپ ۇزاماي ەلەكتر جارىعى سٶنٸپ, جارىلىس بولىپ, جالىن بٷكٸل عيماراتقا ٶتە جىلدام تارالعان. ٶرت سٶندٸرۋشٸلەر تٸلسٸز جاۋدى شامامەن جارتى ساعات ٸشٸندە تولىق اۋىزدىقتادى.
وقيعا ورنىنا تايلاند پرەمەر-مينيسترٸ انۋتين چارنۆيراكۋل مەن بانگكوك گۋبەرناتورى بارىپ, قازا تاپقانداردىڭ تۋىستارىنا كٶڭٸل ايتىپ, زارداپ شەككەندەرگە جان-جاقتى كٶمەك كٶرسەتٸلەتٸنٸن مەلٸمدەدٸ. قازٸر ٶرتتٸڭ ناقتى شىعۋ سەبەبٸ مەن قاۋٸپسٸزدٸك تالاپتارىنىڭ ساقتالۋى بويىنشا تەرگەۋ جٷرگٸزٸلٸپ جاتىر.
ەلەۋمەتتٸك جەلٸلەردە وقيعا ورنىنان تٷسٸرٸلگەن بەينەجازبالار كەڭٸنەن تارادى. كادرلاردان باردان قويۋ قارا تٷتٸن مەن جالىننىڭ لاپ قويعانى, ادامداردىڭ جانۇشىرا سىرتقا قاشىپ شىققانى كٶرٸنەدٸ. بۇل سوڭعى جىلدارى تايلاندتاعى ەڭ ٸرٸ ەرٸ ادام شىعىنى كٶپ ٶرتتەردٸڭ بٸرٸ رەتٸندە باعالانىپ وتىر.
