ktk.kz
الماتىداعى باراحولكادا 300-دەن استام كەسٸپكەر بازار اۋماعىن بوساتۋ تالابىنا قارسى شىقتى. ساۋداگەرلەردٸڭ ايتۋىنشا, ولارعا بازاردىڭ جابىلاتىنى تۋرالى الدىن الا ەسكەرتٸلمەگەن, دەپ حابارلايدى Ult.kz كتك ارناسىنا سٸلتەمە جاساپ
وقيعا كٷنٸ تاڭەرتەڭ بازار قاقپاسى قۇلىپتالىپ, كەسٸپكەرلەر ٸشكە كٸرە الماي قالعان. سونىڭ سالدارىنان كٶپشٸلٸگٸ ٶز تاۋارلارىن الىپ شىعۋعا ٷلگەرمەگەن. قازٸر اۋماقتا دەمونتاج جۇمىستارى جٷرٸپ جاتقانى تۋرالى حابارلاندىرۋ ٸلٸنگەن.
كەسٸپكەرلەر بۇل جەردە 20 جىلدان استام ۋاقىت بويى جۇمىس ٸستەپ كەلگەندەرٸن ايتادى. ولاردىڭ سٶزٸنشە, اۋماقتا جاڭا ساۋدا ورتالىعىن سالۋ جوسپارلانعان. ال ساتۋشىلارعا كٶرشٸ بازارلاردان ورىن ۇسىنىلعان.
الايدا كەسٸپكەرلەر ۇسىنىلعان ورىنداردىڭ جالداۋ اقىسى جوعارى ەكەنٸن ايتىپ, كٶشۋگە كەلٸسپەي وتىر. ولار كونتەينەرلەرٸن بوساتۋدان باس تارتىپ, سوتقا جٷگٸنگەن.
ال الماتى ەكٸمدٸگٸ بۇل اۋماقتا ساۋدا زاڭسىز جٷرگٸزٸلگەنٸن مەلٸمدەدٸ. رەسمي اقپاراتقا سەيكەس, جالداۋ مەرزٸمٸ بٸرنەشە جىل بۇرىن اياقتالعان, ال جەر تەلٸمٸ مەملەكەت مەنشٸگٸنە ٶتٸپ, اباتتاندىرۋ ٷشٸن بەرٸلگەن.
قازٸرگٸ ۋاقىتتا تاراپتار اراسىندا كەلٸسسٶزدەر جالعاسىپ جاتىر.
