ktk.kz
Almatydaǵy baraholkada 300-den astam kásipker bazar aýmaǵyn bosatý talabyna qarsy shyqty. Saýdagerlerdiń aitýynsha, olarǵa bazardyń jabylatyny týraly aldyn ala eskertilmegen, dep habarlaidy Ult.kz KTK arnasyna silteme jasap
Oqiǵa kúni tańerteń bazar qaqpasy qulyptalyp, kásipkerler ishke kire almai qalǵan. Sonyń saldarynan kópshiligi óz taýarlaryn alyp shyǵýǵa úlgermegen. Qazir aýmaqta demontaj jumystary júrip jatqany týraly habarlandyrý ilingen.
Kásipkerler bul jerde 20 jyldan astam ýaqyt boiy jumys istep kelgenderin aitady. Olardyń sózinshe, aýmaqta jańa saýda ortalyǵyn salý josparlanǵan. Al satýshylarǵa kórshi bazarlardan oryn usynylǵan.
Alaida kásipkerler usynylǵan oryndardyń jaldaý aqysy joǵary ekenin aityp, kóshýge kelispei otyr. Olar konteinerlerin bosatýdan bas tartyp, sotqa júgingen.
Al Almaty ákimdigi bul aýmaqta saýda zańsyz júrgizilgenin málimdedi. Resmi aqparatqa sáikes, jaldaý merzimi birneshe jyl buryn aiaqtalǵan, al jer telimi memleket menshigine ótip, abattandyrý úshin berilgen.
Qazirgi ýaqytta taraptar arasynda kelissózder jalǵasyp jatyr.
