قر ەكولوگييا, گەولوگييا جەنە تابيعي رەسۋرستار مينيسترلٸگٸ قىزىلوردا وبلىسى ارال اۋدانى توقپان كٶلٸندە بالىقتاردىڭ قىرىلۋىنا قاتىستى تٷسٸنٸكتەمە بەردٸ, دەپ حابارلايدى "ۇلت اقپارات" ۆەدومستۆونىڭ باسپاسٶز قىزمەتٸنە باسپاسٶز قىزمەتٸنە سٸلتەمە جاساپ.
«ەكولوگييا دەپارتامەنتٸنٸڭ, ۆەتەرينارلىق قىزمەت, «قازگيدرومەت» رمم جەنە «بالىق شارۋاشىلىعى عىلىمي-ٶندٸرٸستٸك ورتالىعى» جشس-نىڭ ماماندارى لابوراتورييالىق زەرتتەۋلەر مەن سانيتارلىق – حيمييالىق تالدامالار جٷرگٸزۋ ٷشٸن سۋ مەن ٶلگەن بالىق سىنامالارىن الدى. قازٸرگٸ ۋاقىتتا ٶلگەن بالىقتاردى جيناۋ جەنە جويۋ جۇمىستارى جٷرگٸزٸلۋدە.
بالىقتاردىڭ قىرىلۋ سەبەپتەرٸ تۋرالى اقپارات لابوراتورييالىق زەرتتەۋلەردٸڭ قورىتىندىلارى دايىن بولعان سوڭ قوسىمشا حابارلانادى», دەلٸنگەن حابارلامادا.
ەسكە سالا كەتسەك, 4 قىركٷيەكتە قىزىلوردا وبلىستىق ورمان شارۋاشىلىعى جەنە جانۋارلار دٷنيەسٸ اۋماقتىق ينسپەكتسيياسىنا WhatsApp مەسسەندجەرٸ ارقىلى قىزىلوردا وبلىسى ارال اۋدانى توقپان كٶلٸندە بالىقتاردىڭ قىرىلۋى تۋرالى اقپارات تٷسكەن.
4-5 قىركٷيەكتە ٶڭٸرلٸك ينسپەكتسييا, قامىستىباس اۋىل ەكٸمدٸگٸنٸڭ, «بالىق شارۋاشىلىعى عىلىمي-ٶندٸرٸستٸك ورتالىعى» جشس ارال فيليالىنىڭ, «قازگيدرومەت» رمم فيليالىنىڭ, ارال اۋدانى اپب, ۆەتەرينارلىق قىزمەت, قىزىلوردا وبلىسىنىڭ تابيعات رەسۋرستارى جەنە تابيعات پايدالانۋدى رەتتەۋ, جۇمىلدىرۋ دايىندىعى باسقارمالارىنىڭ, تٶتەنشە جاعدايلار, ەكولوگييا دەپارتامەنتتەرٸنٸڭ ماماندارىنان قۇرالعان كوميسسييا وقيعا ورنىنا باردى.
ماماندار جاعالاۋدى زەرتتەپ, 6,4 توننا ٶلگەن بالىقتى جيناعان. بالىقتاردىڭ 96% – تابان بالىعىنىڭ شاباقتارى, قالعانى –تورتا, قىلىش بالىق, سازان جەنە كٶكسەركە بالىقتارىنىڭ شاباقتارى بولعان.
ايتا كەتەرلٸگٸ, توقپان كٶلٸ قىزىلوردا وبلىسى ارال اۋدانى قامىستىباس كٶلٸنٸڭ سولتٷستٸك باتىس بەتكەيٸندە ورنالاسقان, جەرگٸلٸكتٸ ماڭىزى بار بالىق شارۋاشىلىعى سۋ ايدىندارىنىڭ تٸزبەسٸنە ەنبەگەن, وندا نەگٸزٸنەن تابان بالىعى كٶپ مەكەندەيدٸ.
