بالتىق جاعالاۋى ەلدەرٸ پاندەميياعا بايلانىستى ەنگٸزٸلگەن كارانتيننٸڭ قاتاڭ تالاپتارىن توقتاتتى. بۇل تۋرالى قر ٷكٸمەتٸ جانىنداعى قازاقستاندا كوروناۆيرۋستىڭ تارالۋىنا جول بەرمەۋ جٶنٸندەگٸ ۆەدومستۆوارالىق كوميسسييانىڭ Telegram كانالى حابارلادى.
ەستونييا ٷكٸمەتٸ COVID-19-عا قارسى كٷرەس جٷرگٸزۋ ٷشٸن ەنگٸزٸلگەن شەكتەۋلەردٸ جەڭٸلدەتپەك. بۇعان ەلدەگٸ حالىقتى جاپپاي ۆاكتسينالاۋ ناۋقانىنىڭ قارقىن العاندىعىنىڭ نەتيجەسٸندە قول جەتكٸزٸلدٸ. ەندٸ عيماراتتاردا ٶتەتٸن شارالارعا قاتىساتىن ادامداردىڭ سانىن 600-گە دەيٸن ارتتىرۋعا رۇقسات ەتٸلگەن. بۇل رەتتە عيماراتتار جٷكتەمەسٸنٸڭ 50% اسپاۋىنا, ادامداردىڭ اراسىنداعى اراقاشىتىققا قويىلاتىن تالاپتار ساقتالۋى كەرەك. اشىق ورىنداردا 1000 ادامنىڭ وتىرۋىنا رۇقسات ەتٸلەدٸ. جوعارى دەڭگەيدەگٸ سپورتتىق شارالاردى جابىق, جەنە اشىق ورىنداردا ٶتكٸزۋگە دە بولادى. دٷكەندەر مەن قىزمەت كٶرسەتۋشٸ كومپانييالارعا, ەگەر ورىن تولۋى 50% اسپايتىن جاعدايدا, رۇقسات ەتٸلەدٸ.
