بالقاش قالاسىندا ەرٸپتەسٸنە وق اتتى دەگەن كٷدٸكپەن ەسكەري قىزمەتكەر ۇستالدى. جارالانعان وفيتسەر حەل ٷستٸندە جاتىر, دەپ حابارلايدى باس ەسكەري پروكۋراتۋرانىڭ باسپاسٶز قىزمەتٸ.
بۇعان دەيٸن باق-تا بالقاش قالاسىندا ەسكەري قىزمەتكەردٸڭ وققا ۇشقانى تۋرالى حابارلاما جارييالانعان بولاتىن.
بۇل فاكت بويىنشا سوتقا دەيٸنگٸ تەرگەپ-تەكسەرۋ جٷرگٸزٸلٸپ جاتىر. قر ٸٸم ورتالىق ٶڭٸرلٸك ەسكەري تەرگەۋ باسقارماسىنىڭ قاراعاندى بٶلٸمٸمەن ۆەدومستۆوارالىق جەدەل-تەرگەۋ توبى قۇرىلدى.
ەسكەري پروكۋراتۋرانىڭ اقپاراتىنشا, قورعانىس مينيسترلٸگٸنە قاراستى 53898 ەسكەري بٶلٸمنٸڭ زارداپ شەككەن ەسكەري قىزمەتكەرٸنە وتا جاسالدى. قازٸر جاعدايى ٶتە اۋىر.
"كٷدٸكتٸ – ونىڭ ەرٸپتەسٸ. ول 31 مامىردا ۇستالىپ, بالقاش قالاسىنداعى ۋاقىتشا ۇستاۋ يزولياتورىنا قامالدى", - دەلٸنگەن حابارلامادا.
كەشەندٸ جەدەل-تەرگەۋ شارالارى جٷرگٸزٸلٸپ جاتىر. تەرگەۋ مٷددەسٸنە بايلانىستى باسقا اقپارات جارييا ەتٸلمەيدٸ.
