قر يندۋسترييا جەنە ينفراقۇرىلىمدىق دامۋ مينيسترٸ بەيبٸت اتامقۇلوۆ قازاقستاننىڭ تۋريستٸك ورىندارىنا اپاراتىن جولداردىڭ ساپاسى جٶنٸندەگٸ سۇراققا جاۋاپ بەردٸ, دەپ حابارلايدى قازاقپارات.
«بيىل 4 مىڭ شاقىرىم رەسپۋبليكالىق جول سالىنىپ, جٶندەۋدەن ٶتەدٸ دەپ جوسپارلانعان. ناقتى بالقاش پەن الاكٶلگە توقتالساق, بيىل 2 مىڭ 600 شاقىرىم جول بويىنشا قوزعالىستى اشامىز. ونىڭ ٸشٸندە, قاراعاندى-بالقاش-قاپشاعاي جەنە تالدىقورعان-ٷشارال-ٶسكەمەن باعىتتارى بار. بۇل باعىتتاردا كٷشەيتٸلگەن جۇمىس جٷرٸپ جاتىر. بٸردەن, جول بٶلٸكتەرٸن اتار بولسام, ۇزىندىعى 700 شاقىرىم بولاتىن تالدىقورعان-ٷشارال جولى بار. ٷشارالدان دوستىققا دەيٸنگٸ 60 شاقىرىمعا اسفالت تٶسەۋ جۇمىستارى باستالىپ كەتتٸ. قالباتاۋ جاقتان دا جول بٶلٸگٸن جٶندەۋدٸ اياقتادىق», - دەدٸ ول ورتالىق كوممۋنيكاتسييالار قىزمەتٸندە ٶتكەن ەسەپ بەرۋ بريفينگٸندە.
قاراعاندى تراسساسى بويىنشا مينيستر كاراعاندى-بالقاش جولىنىڭ بيىل اشىلاتىنىن حابارلادى.
«ەرينە, ونىڭ كەيبٸر بٶلٸكتەرٸ تەحنيكالىق سەبەپتەرمەن كەشٸگۋٸ مٷمكٸن. دەگەنمەن, قاراعاندى-بالقاش-قاپشاعاي جولىنىڭ نەگٸزگٸ بٶلٸگٸن جىل سوڭىنا دەيٸن قولدانىسقا بەرەمٸز. كەلەسٸ جىلى سٷيٸكتٸ كۋرورتتىق ورىندارىمىزعا تاماشا جول ٷستٸمەن جەتەمٸز دەپ ويلايمىن», - دەدٸ مينيستر.
