QR Indýstriia jáne infraqurylymdyq damý ministri Beibit Atamqulov Qazaqstannyń týristik oryndaryna aparatyn joldardyń sapasy jónindegi suraqqa jaýap berdi, dep habarlaidy QazAqparat.
«Biyl 4 myń shaqyrym respýblikalyq jol salynyp, jóndeýden ótedi dep josparlanǵan. Naqty Balqash pen Alakólge toqtalsaq, biyl 2 myń 600 shaqyrym jol boiynsha qozǵalysty ashamyz. Onyń ishinde, Qaraǵandy-Balqash-Qapshaǵai jáne Taldyqorǵan-Úsharal-Óskemen baǵyttary bar. Bul baǵyttarda kúsheitilgen jumys júrip jatyr. Birden, jol bólikterin atar bolsam, uzyndyǵy 700 shaqyrym bolatyn Taldyqorǵan-Úsharal joly bar. Úsharaldan Dostyqqa deiingi 60 shaqyrymǵa asfalt tóseý jumystary bastalyp ketti. Qalbataý jaqtan da jol bóligin jóndeýdi aiaqtadyq», - dedi ol Ortalyq kommýnikatsiialar qyzmetinde ótken esep berý brifinginde.
Qaraǵandy trassasy boiynsha ministr Karaǵandy-Balqash jolynyń biyl ashylatynyn habarlady.
«Árine, onyń keibir bólikteri tehnikalyq sebeptermen keshigýi múmkin. Degenmen, Qaraǵandy-Balqash-Qapshaǵai jolynyń negizgi bóligin jyl sońyna deiin qoldanysqa beremiz. Kelesi jyly súiikti kýrorttyq oryndarymyzǵa tamasha jol ústimen jetemiz dep oilaimyn», - dedi ministr.
