بٷگٸن الدىن الا سوت وتىرىسىندا بالاسىنىڭ باسىنان تاسپەن ۇرعان ەكەنٸڭ ٶمٸر بويى باس بوستاندىعىنان ايىرىلۋى مٷمكٸن ەكەندٸگٸ بەلگٸلٸ بولدى, دەپ حابارلايدى قازاقپارات تٸلشٸسٸ.
«2018 جىلى 16 شٸلدەدە بريانسكايا كٶشەسٸندە اسقاروعلى مۇرات دەرمەنسٸز تۇلعاعا قىلمىس جاساعان. ول قر قك 24-بابىنىڭ 3-بٶلٸمٸمەن, 99-بابىنىڭ 2-بٶلٸمٸنٸڭ 3-تارماعىمەن ايىپتالىپ وتىر. بۇل اسا اۋىر قىلمىسقا جاتادى. مۇنداي قىلمىس جاساعان ادام ٶمٸر بويى باس بوستاندىعىنان ايىرىلىپ نەمەسە ٶلٸم جازاسىنا كەسٸلۋٸ مٷمكٸن», - دەدٸ مەملەكەتتٸك ايىپتاۋشى.
34 جاستاعى مۇرات اسقاروعلى بۇل مەلٸمدەمەگە بٸردەن قارسىلىق بٸلدٸردٸ.
«مەن مۇنداي سوراقى قىلمىس جاساعان جوقپىن. مەنٸ بالاما قول كٶتەرسٸن دەپ تەربيەلەگەن جوق», - دەدٸ ول.
سونىمەن قاتار سوتتالۋشى مەن ونىڭ قورعاۋشىسى قىلمىستىق ٸستٸ قىلمىستىق ٸستٸ قاراۋعا القا بيلەر سوتى قاتىسۋىن سۇرادى.
ودان بٶلەك سوتتالۋشىنى بۇلتارتپاۋ شاراسىن ٶزگەرتٸپ, سوت اياقتالعانشا مۇرات اسقاروعلىن ٷيٸنە جٸبەرە تۇرۋعا ٶتٸنٸش ايتىلدى.
«مەن ٶز وتباسىم مەن بالا-شاعامنان قاشىپ كەتەدٸ دەپ ويلايسىزدار ما? مەنٸ بوساتىڭىزدارشى, ٶتٸنەمٸن!» - دەپ ايقايلادى مۇرات اسقاروعلى.
ەسكە سالا كەتەيٸك, قايعىلى وقيعا بىلتىر 16 شٸلدە كٷنٸ ودەسسكايا مەن بريانسكايا كٶشەلەرٸنٸڭ قيىلىسىندا بولعان. تۇرعىندار تال تٷبٸنەن 4,5 جاسار بالانى تاۋىپ العان. بالا شالا-جانسار كٷيٸندە شۇعىل اۋرۋحاناعا جەتكٸزٸلٸپ, وتا جاسالدى. الماتى پوليتسيياسى جانتٷرشٸگەرلٸك وقيعاعا كٷدٸكتٸ رەتٸندە بالانىڭ ەكەسٸن ۇستادى. مۇرات اسقاروعلى ٶزٸنٸڭ كٸنەسٸن مويىنداپ, قازاقستاندىقتاردان كەشٸرٸم سۇراعان بولاتىن.
ەر ادام ماستىقتان ەسەڭگٸرەپ تۇرعاندا بالاسىنىڭ قىڭقىل-سىڭقىلىن كٶتەرە الماي, تاسپەن سامايىنان بٸر-اق ۇرعانىن ايتقان. قالالىق مامانداندىرىلعان قىلمىستىق سوت مۇرات اسقاروعلىن قر قك 24-بابىنىڭ 3-بٶلٸمٸ جەنە 99-بابىنىڭ 2-بٶلٸمٸ بويىنشا قاماۋعا الدى.
