الماتى قالالىق بٸلٸم باسقارماسىنىڭ باسشىسى گٷلنەر قوجابەرگەنوۆا بالانى مەكتەپكە 6 نەمەسە 7 جاسىنان باستاپ جٸبەرۋ تۋرالى سۇراققا جاۋاپ بەردٸ, دەپ حابارلايدى قازاقپارات تٸلشٸسٸ.
«قاڭتاردا قازاقستان رەسپۋبليكاسىنداعى بٸلٸم تۋرالى زاڭعا اعىمداعى جىلدان باستاپ 6 جاسقا دەيٸنگٸ بالالار مەكتەپتەرگە قابىلدانادى دەگەن ٶزگەرتۋ ەنگٸزٸلدٸ. بۇرىن 6-دان 7-گە دەيٸن دەپ جازىلعان بولاتىن. اتا-انالار ٶزدەرٸ بٸلەتٸن. بالاسىن 6 نەمەسە 7 جاستا مەكتەپكە بەرەتٸن. زاڭعا تٷزەتۋلەر جىلدىڭ ورتاسىندا ەنگٸزٸلدٸ, اتا-انالار دايىن بولمادى, بالالارىن دايىندامادى. سوندىقتان,بيىلعى جىلى ولار تاڭداۋ قۇقىعىنا يە: بالانى بەرۋ-بەرمەۋ تۋرالى شەشٸمدٸ ٶزدەرٸ قابىلدايدى. بٸراق, اعىمداعى جىلدىڭ 1 قىركٷيەگٸندە بالا 6 جاستا بولسا, ول مەكتەپكە بارۋى كەرەك, سەبەبٸ باعدارلاما 6 جاسار بالاعا ارناپ دايىندالعان. بيىل بٸز اتا-انالارعا تاڭداۋ قۇقىعىن بەرەمٸز», - دەدٸ گٷلنەر قوجابەرگەنوۆا بريفينگتە.
الايدا ول, اتا-انالار بالالارىن مەكتەپكە 6 جاستان جٸبەرۋ كەرەك دەپ اتاپ ٶتتٸ. سەبەبٸ, 12 جىلدىق بٸلٸم بەرۋگە بٸرتٸندەپ كٶشۋ باستالدى. بٸلٸم باسشىسى 6 جاسىندا بالاسىن مەكتەپكە جٸبەرمەگەن اتا-انالارعا ەشقانداي شارا قولدانىلمايتىنىن باسا ايتتى.
«اتا-انالاردىڭ بالا باعدارلامانى يگەرٸپ كەتە المايدى دەۋٸنە نەگٸز جوق. باعدارلاما 6 جاسار بالاعا ارنالعان», - دەپ تٷيٸندەدٸ بٸلٸم باسقارماسىنىڭ باسشىسى.
