فوتو: اشىق دەرەككٶز
استانا قالاسىنىڭ پروكۋراتۋراسى ەلوردادا ەرٸپتەستەرٸن الداپ, جالعان اقپارات ارقىلى اقشا جيناعان ەيەلگە قاتىستى سوت ٷكٸمٸ شىققانىن مەلٸمدەدٸ, دەپ حابارلايدى Ult.kz.
ٸس ماتەريالدارىنا سەيكەس, بايقوڭىر اۋدانىنىڭ پروكۋراتۋراسى الاياقتىق دەرەگٸ بويىنشا مەملەكەتتٸك ايىپتاۋدى قولداعان. سوتتالعان ەيەل دەكرەتتٸك دەمالىستا جٷرٸپ, بٸر جىل بويى ەرٸپتەستەرٸن جٷيەلٸ تٷردە جاڭىلىستىرىپ وتىرعان.
ول وتباسىندا قايعىلى جاعدايلار ورىن العانى تۋرالى, سونىڭ ٸشٸندە اناسىنىڭ قايتىس بولعانى جەنە بالاسىنىڭ اۋىر حەلدە ەكەنٸ جٶنٸندە كٶرٸنەۋ جالعان مەلٸمەتتەر تاراتقان. ەيەلدٸڭ سٶزٸنە سەنگەن ەرٸپتەستەرٸ وعان جاناشىرلىق تانىتىپ, كٶمەك كٶرسەتۋ ماقساتىندا اقشا اۋدارىپ وتىرعان.
نەتيجەسٸندە جەبٸرلەنۋشٸلەرگە 2 ميلليون تەڭگەدەن استام ماتەريالدىق شىعىن كەلتٸرٸلگەن.
سوت جەڭٸلدەتەتٸن مەن-جايلاردى, اتاپ ايتقاندا ايىپتالۋشىنىڭ كٸنەسٸن مويىنداۋىن, شىن جٷرەكتەن ٶكٸنۋٸن جەنە كەلتٸرٸلگەن زالالدى ٸشٸنارا ٶتەۋٸن ەسكەرگەن. وسىعان بايلانىستى وعان 3 جىل مەرزٸمگە پروباتسييالىق باقىلاۋ بەلگٸلەنٸپ, باس بوستاندىعىن شەكتەۋ جازاسى تاعايىندالدى.
ٷكٸم زاڭدى كٷشٸنە ەندٸ.
