قر پرەمەر-مينيسترٸنٸڭ ورىنباسارى ەرالى توعجانوۆ بالالاردىڭ تۇتىنۋ سەبەتٸن ەنگٸزۋ مٷمكٸندٸگٸ تۋرالى تٷسٸنٸك بەردٸ, دەپ حابارلايدى "ۇلت اقپارات".
بالالارعا ارناپ جەكە تۇتىنۋ سەبەتٸن ەنگٸزۋ تۋرالى دەپۋتتاتىق ساۋالعا جاۋاپ بەرگەن ۆيتسە-پرەمەر بۇل ۇسىنىستىڭ قازٸر ورىنسىز ەكەنٸن تٷسٸندٸرگەن.
«بٸر ادامعا شاققانداعى ەڭ تٶمەنگٸ اقشالاي تابىستى انىقتاۋ ٷشٸن ەڭ تٶمەنگٸ كٷنكٶرٸس دەڭگەيٸ قولدانىلادى. ول ادام ٶمٸرٸن قامتاماسىز ەتۋ ٷشٸن قاجەتتٸ ازىق-تٷلٸك ٶنٸمدەرٸنٸڭ, تاۋارلار مەن قىزمەتتەردٸڭ ەڭ تٶمەنگٸ جيىنتىعىن بٸلدٸرەدٸ. ونىڭ مٶلشەرٸ بالالاردى قوسا العاندا جان باسىنا شاققاندا جەنە حالىقتىڭ جىنىستىق-جاس توپتارى بويىنشا ەسەپتەلەدٸ», - دەگەن ەرالى توعجانوۆ ٶز جاۋابىندا.
ونىڭ ايتۋىنشا, قازٸرگٸ ەڭ تٶمەنگٸ كٷنكٶرٸس دەڭگەيٸنٸڭ ازىق-تٷلٸك قورجىنىنا تەۋلٸگٸنە 2175 ككال ەنەرگەتيكالىق قۇندىلىقتى قامتاماسىز ەتەتٸن تاماق ٶنٸمدەرٸنٸڭ 43 اتاۋى كٸرەدٸ. بۇل تٸزٸم تاماقتانۋ ينستيتۋتىنىڭ ۇسىنىمدارىنا جەنە دٷنيەجٷزٸلٸك ازىق-تٷلٸك ۇيىمى مەن دٷنيەجٷزٸلٸك دەنساۋلىق ساقتاۋ ۇيىمىنىڭ تاماقتانۋ تالاپتارىنا سەيكەس جاسالعان.
«وسىعان بايلانىستى, بالالار تۇتىنۋ قورجىنىن جەكە ەسەپتەۋدٸ مەرزٸمٸنەن بۇرىن دەپ سانايمىز», - دەدٸ ەرالى توعجانوۆ.
