قر بٸلٸم جەنە عىلىم مينيسترٸ اسحات ايماعامبەتوۆ بالاباقشالاردىڭ قولجەتٸمدٸلٸگٸ تۋرالى ايتىپ بەردٸ, دەپ حابارلايدى قازاقپارات.
«2019 جىلى مەملەكەتتٸك-جەكەشەلٸك ەرٸپتەستٸك مەحانيزمدەرٸ ارقىلى مەكتەپكە دەيٸنگٸ ۇيىمدار سانى ارتتى جەنە 3-6 جاستاعى بالالاردى 98,5% قامتي الدىق. ەرينە, كەي ٶڭٸرلەردە, الماتى, نۇر-سۇلتان سىندى مەگاپوليستەردە, الماتى وبلىسىندا سۇرانىستىڭ ەلٸ دە كٶپ ەكەنٸن جاسىرمايمىز. وندا ميگراتسييا ٷلەسٸ ايتارلىقتاي جوعارى, دەموگرافييالىق پروتسەستەر بەلسەندٸ جٷرٸپ جاتىر», - دەدٸ مينيستر فەيسبۋك جەلٸسٸندە حالىق الدىندا ەسەپ بەرۋ بارىسىندا.
ونىڭ ايتۋىنشا, بۇل مەسەلەنٸ مينيسترلٸك ٶڭٸر ەكٸمدٸكتەرٸمەن بٸرلەسٸپ شەشەدٸ.
«بۇعان دەيٸن بالاباقشاعا كەزەككە قويۋ بٸلٸم بەرۋ بٶلٸمدەرٸندە جٷرگٸزٸلەتٸن. ال قازٸر جەمقورلىق قاۋٸپ-قاتەردٸ ازايتۋ ماقساتىندا بۇل پروتسەستٸ تولىق تسيفرلاندىردىق. كەزەككە قويۋ مەن جولداما الۋدى ەلەكتروندى ٷكٸمەت پورتالى ارقىلى جٷزەگە اسىرىلادى. بۇل قىزمەت قازٸر دە قولجەتٸمدٸ», - دەدٸ مينيستر.
سونىمەن بٸرگە, مينيستر بالالاردىڭ قاۋٸپسٸزدٸگٸ مەسەلەسٸنٸڭ ماڭىزدى ەكەنٸن اتاپ ٶتتٸ.
«مۇنداعى ماڭىزدى فاكتورلاردىڭ بٸرٸ - بەينەباقىلاۋ جٷيەلەرٸنٸڭ بولۋى. قازٸرگٸ ۋاقىتتا مەكتەپكە دەيٸنگٸ ۇيىمداردىڭ 90% جۋىعى بەينەباقىلاۋ كامەرالارىمەن جابدىقتالعان. بۇل جۇمىستى دا سٸزدەرمەن بٸرلەسٸپ جالعاستىراتىن بولامىز», - دەدٸ ايماعامبەتوۆ.
