QR Bilim jáne ǵylym ministri Ashat Aimaǵambetov balabaqshalardyń qoljetimdiligi týraly aityp berdi, dep habarlaidy QazAqparat.
«2019 jyly memlekettik-jekeshelik áriptestik mehanizmderi arqyly mektepke deiingi uiymdar sany artty jáne 3-6 jastaǵy balalardy 98,5% qamti aldyq. Árine, kei óńirlerde, Almaty, Nur-Sultan syndy megapolisterde, Almaty oblysynda suranystyń áli de kóp ekenin jasyrmaimyz. Onda migratsiia úlesi aitarlyqtai joǵary, demografiialyq protsester belsendi júrip jatyr», - dedi ministr Feisbýk jelisinde halyq aldynda esep berý barysynda.
Onyń aitýynsha, bul máseleni ministrlik óńir ákimdikterimen birlesip sheshedi.
«Buǵan deiin balabaqshaǵa kezekke qoiý bilim berý bólimderinde júrgiziletin. Al qazir jemqorlyq qaýip-qaterdi azaitý maqsatynda bul protsesti tolyq tsifrlandyrdyq. Kezekke qoiý men joldama alýdy Elektrondy úkimet portaly arqyly júzege asyrylady. Bul qyzmet qazir de qoljetimdi», - dedi ministr.
Sonymen birge, ministr balalardyń qaýipsizdigi máselesiniń mańyzdy ekenin atap ótti.
«Mundaǵy mańyzdy faktorlardyń biri - beinebaqylaý júieleriniń bolýy. Qazirgi ýaqytta mektepke deiingi uiymdardyń 90% jýyǵy beinebaqylaý kameralarymen jabdyqtalǵan. Bul jumysty da sizdermen birlesip jalǵastyratyn bolamyz», - dedi Aimaǵambetov.
