قۇرىلىس بريگادالارى ٶرت سالدارىنان قيراعان وبلىستىق بالالار ٷيٸنٸڭ عيماراتىن جٶندەۋ جۇمىستارىن باستاپ كەتتٸ. بۇل تۋرالى kaz.tengrinews.kz تٸلشٸسٸنە الماتى وبلىستىق بٸلٸم باسقارماسىنىڭ باسشىسى لەززات بازارقۇلوۆا حابارلادى.
"وبلىستىق بالالار ٷيٸ 280 ورىندىق. ٶرت كەزٸندە 154 تەربيەلەنۋشٸ ٸشتە بولعان. الماتى قالالىق تجد مەن پەرسونال قىزمەتكەرلەرٸنٸڭ دەر كەزٸندە جاساعان ەرەكەتتەرٸنٸڭ ارقاسىندا بالالار ەۆاكۋاتسييالاندى. بالالار ٷيٸنٸڭ عيماراتى ەكٸ بلوكقا بٶلٸنگەن - بٸرەۋٸ ٷش قاباتتى, ەكٸنشٸسٸ تٶرت قاباتتى. ٶرت ٷش قاباتتى عيماراتتان شىقتى. قازٸر بالالار تٶرت قاباتتى بلوكتا. جۇمىس شتات تەرتٸبٸندە جٷرٸپ جاتىر", - دەدٸ بازارقۇلوۆا.
سونىمەن قاتار, بٸلٸم باسقارماسىنىڭ باسشىسى ٶرت كەزٸندە جاراقات العاندار جايلى مەلٸمەت بەردٸ. "ەۆاكۋاتسييا كەزٸندە تٶرت بالا جاراقات الدى, ولار №1 قالالىق اۋرۋحاناعا جەتكٸزٸلدٸ. ولاردىڭ بٸرٸنٸڭ قابىرعاسى سىنعان. ٷشەۋٸ ەرتەڭ اۋرۋحانادان شىعارىلادى", - دەدٸ باسشى.
الايدا بالالار ٷيٸنٸڭ جۇمىسشىسى زارداپ شەكتٸ دەگەن قاۋەسەت جوققا شىعارىلدى. "بالالار ٷيٸندە قايتا قالپىنا كەلتٸرۋ جۇمىستارى باستالدى. ونى "دەۋلەت سەرپٸن" جشس جٷرگٸزٸپ جاتىر. جۇمىسشىلار عيماراتتى تازالاپ, قۇرىلىس-مونتاج جۇمىستارىنا كٸرٸسەدٸ", - دەدٸ بازارقۇلوۆا.
ەسكە سالايىق, كەشە تٷندە باعاناشىلدا بالالار ٷيٸندە الاپات ٶرت شىققان بولاتىن. ٶرت سٶندٸرۋ كەزٸندە 161 بالا مەن پەرسونالدىڭ 12 قىزمەتكەرٸ ەۆاكۋاتسييالاندى.
