"بالاباقشالاردىڭ ۋاقىتىن جۇمىس ٸستەيتٸن اتا-انالارعا ىڭعايلاستىرۋ قاجەت" - دەپۋتات

فوتو:lucky-child.com

بٷگٸن مەجٸلٸس وتىرىسىندا دەپۋتات دەۋلەت مۇقاەۆ بالاباقشالاردىڭ ۋاقىتىن جۇمىس ٸستەيتٸن اتا-انالارعا ىڭعايلاستىرۋدى سۇراپ, دەپۋتاتتىق ساۋال جولدادى, دەپ حابارلايدى Ult.kz. 

ول كەشكٸ ساعات 18.00-گە دەيٸن جۇمىس ٸستەيتٸن اتا-انالاردىڭ بالالارىن 19.00-گە دەيٸن قارايتىن كەزەكشٸ توپ جاساقتاۋ كەرەك دەپ سانايدى.

"مۇنداي تەجٸريبە استانا قالاسىنداعى كەيبٸر بالاباقشالاردا بار. كەشكٸ ۋاقىتتاعى كەزەكشٸ توپتاردى ەلورداداعى بارلىق بالاقشادا ۇيىمداستىرۋ كەرەك دەپ سانايمىز. مۇنداي قادام بالاسىنا الاڭداعان اتا-انالاردىڭ جۇمىسىن جەڭٸلدەتەتٸن ەدٸ. بٸزدٸڭ مەملەكەتتٸڭ باستى قۇندىلىعى – ادام بولسا, وندا ادامدارىمىزعا ىڭعايلى جاعداي قالىپتاستىرا بٸلۋٸمٸز ماڭىزدى. بٸزدٸڭشە, نيەت بولسا, ىنتا بولسا, بۇل مەسەلەنٸ وقۋ-اعارتۋ مينيسترلٸگٸ ٸشكٸ ەرەجەلەرٸ ارقىلى رەتتەۋٸنە ەبدەن بولادى دەپ ويلايمىز. سوندىقتان مينيستردەن دۇرىس شەشٸم قابىلداۋىن سۇرايمىز", -دەيدٸ دەۋلەت مۇقاەۆ.

دەپۋتات كەلتٸرگەن ستاتيستيكا بويىنشا استانا قالاسىندا 68 706 بالانى قامتيتىن 580 مەكتەپكە دەيٸنگٸ ۇيىم جۇمىس ٸستەيدٸ. ونىڭ 100-ٸ مەملەكەتتٸك بالاباقشا بولسا, 477-ٸ جەنە 3-ٸ ۆەدومستۆولىق بولىپ سانالادى. جالپى 2 جاستان 6 جاسقا دەيٸنگٸ بالالاردى قامتۋ دەڭگەيٸ 81 پايىزدى قۇرايدى. 

استانا قالاسىنىڭ بٸلٸم باسقارماسىنىڭ اقپاراتىنشا, 2030 جىلعا دەيٸن 60 مەملەكەتتٸك بالاباقشا سالۋ جوسپارلانعان. وسىنداي كەشەندٸ جۇمىستار ارقىلى بالاباقشاداعى ورىن تاپشىلىعى مەسەلەسٸن شەشۋدٸ جوسپارلاپ وتىر ەكەن. 

"راسىندا, ەلوردانىڭ ەكٸمشٸلٸك تەرريتوريياسى كەڭەيٸپ, حالىق سانى جىل سايىن ارتتىپ, سونىمەن بٸرگە ەلەۋمەتتٸك ينفراقۇرىلىمدى دامىتۋ – بالاباقشا, مەكتەپ, مەدەنيەت جەنە سپورت كەشەندەرٸن سالۋ مٸندەتٸ تۋىنداپ تۇر. بۇل – ٷلكەن مەسەلە. مەنٸڭ ايتپاعىم, باسقا مەسەلە. دۇرىسى, استانالىقتاردىڭ تالاپ-تٸلەگٸ تۇرعىسىندا قاراستىرعىم كەلەدٸ", -دەيدٸ دەپۋتات.

ەلٸمٸز بويىنشا مەملەكەتتٸك جەنە بيۋدجەتتٸك قىزمەتتە ەڭ كٶپ جۇمىس ٸستەيتٸن, ول – استانالىقتار ەكەنٸن ايتقان دەپۋتات استانا قالاسىنداعى مەملەكەتتٸك قىزمەت سالاسىندا 4 مىڭعا جۋىق ازامات جۇمىس ٸستەسە, بيۋدجەتتٸك مەكەمەلەردە 100 مىڭداپ سانالاتىنىن ايتىپ وتىر. ولار بالاسىن بالاباقشادان الۋ ٷشٸن كٷندەلٸكتٸ جۇمىستان ەرتە كەتۋگە سۇرانادى, سٶيتٸپ قىزمەتكەرلەردٸڭ جۇمىس ٶنٸمدٸلٸگٸ تٶمەندەۋٸ مٷمكٸن. 

"ەڭ قيىنى, دەل وسى ۋاقىتتا ەلوردادا جول كەپتەلٸسٸ كٷشەيٸپ, كٶلٸكتٸ تٸزگٸندەگەندەر بالاباقشاداعى بالاسىنا ەرتەرەك جەتۋ ٷشٸن اسىعىس ايدايدى. سونىڭ سالدارىنان جول-كٶلٸك وقيعالارى ورىن الىپ جاتاتىنى تاعى انىق", -دەپ وتىر دەپۋتات مۇقاەۆ.