قاراعاندىدا بٷلدٸرشٸنگە قاتىگەزدٸك كٶرسەتكەن بالاباقشا تەربيەشٸسٸ جۇمىستان قۋىلدى. مەكەمەنٸڭ ديرەكتورى مەن ەدٸسكەرٸنە پەداگوگتاردىڭ قىزمەتٸنە باقىلاۋ جٷرگٸزبەگەنٸ ٷشٸن سٶگٸس جارييالاندى. وسى دەرەك بويىنشا ماتەريالدار قۇقىق قورعاۋ ورگاندارىنا بەرٸلدٸ, - دەپ حابارلايدى kaz.tengrinews.kz تٸلشٸسٸ قاراعاندى قالالىق بٸلٸم بٶلٸمٸنە سٸلتەمە جاساپ.
بٷلدٸرشٸندٸ ۇرىپ-سوعۋ وقيعاسى تٷسٸرٸلگەن ۆيدەو Instagram جەلٸسٸندە Denisa Denski دەگەن بلوگەردٸڭ پاراقشاسىندا جارييالاندى. ۆيدەونى بٸرنەشە ساعاتتىڭ ٸشٸندە 10 مىڭ ادام قاراعان.
ۆيدەونىڭ كادرلارىنان مەكتەپ جاسىنا دەيٸنگٸ بالالاردىڭ ورىندىقتا وتىرعانىن كٶرۋگە بولادى. ولاردىڭ ماڭىندا تەربيەشٸ وتىر. پەداگوگ بالالاردىڭ قولدارىن تەكسەرٸپ جاتادى دا, بٸر بالانى قۇلاعىنان تارتىپ, تارتىپ قالادى. بالانى تٸزەرلەتٸپ وتىرعىزعان ەيەل ونى بٸردە تۇنشىقتىرىپ, بٸردە شىمشىپ الادى. سوسىن ونى قاسىنداعى ورىندىققا وتىرعىزادى.
قالالىق بٸلٸم بٶلٸمٸندەگٸلەر وقيعاعا قاتىستى پٸكٸر بٸلدٸردٸ. رەسمي مەلٸمەت بويىنشا, بۇل ۆيدەو "بالاقاي" بالاباقشاسىندا تٷسٸرٸلگەن. ۆيدەوداعى تەربيەشٸ جۇمىسىن جالعاستىرۋعا جاتپايتىن ادامگەرشٸلٸككە جات قىلىق كٶرسەتكەنٸ ٷشٸن جۇمىستان شىعارىلعان. ول بۇل مەكەمەدە 7 جىلداي ۋاقىت جۇمىس ٸستەگەن.
"بٸلٸم بٶلٸمٸ "بالاقاي" بالاباقشاسىنىڭ تەربيەشٸسٸنٸڭ بالالارعا قاتىستى قاتىگەزدٸك كٶرسەتۋ دەرەگٸ بويىنشا بىلاي دەپ تٷسٸنٸك بەرەدٸ: اتا-انالاردىڭ شاعىمىنان كەيٸن بالاباقشا ديرەكتورى ٸشكٸ قىزمەتتٸك تەكسەرٸس جٷرگٸزدٸ, ناقتى ايتقاندا ۆيدەوباقىلاۋ كامەرسىنا تٷسٸرٸلگەن كادرلار قارالدى, تەربيەشٸدەن تٷسٸنٸكتەمە الىندى, اتا-انالار جينالىسى ٶتكٸزٸلدٸ. ٶكٸنٸشكە قاراي, بۇل دەرەك راستالدى. ۆيدەوماتەريالدار اتا-انالارعا بەرٸلدٸ. 2017 جىلدىڭ 24 مامىرىندا تەربيەشٸ ادامگەرشٸلٸككە جات قىلىق جاساعانى ٷشٸن 52-باپتىڭ 14-بٶلٸگٸ بويىنشا جۇمىستان شىعارىلدى", - دەپ حابارلادى ۆەدومستۆوداعىلار.
بٸلٸم بٶلٸمٸندەگٸلەر ەدٸسكەر مەن ديرەكتوردىڭ دا جازالانعانىن حابارلادى. ولارعا قاتاڭ سٶگٸس جارييالانىپتى. ەندٸ بۇل ٸسپەن قۇقىق قورعاۋ ورگاندارى اينالىسادى. بالاباقشا ديرەكتورى وسى دەرەك بويىنشا ماتەريالداردى پوليتسيياعا بەردٸ.
