2024 جىلدان باستاپ قازاقستاندا بالاباقشالار قىزمەتٸن ليتسەنزييالاۋ شاراسى قولعا الىنادى. بۇل تۋرالى قر وقۋ-اعارتۋ مينيسترلٸگٸ بٸلٸم جەنە عىلىم سالاسىندا ساپانى قامتاماسىز ەتۋ كوميتەتٸنٸڭ تٶراعاسى گٷلزات كٶبەنوۆا مەلٸم ەتتٸ, دەپ حابارلايدى قازاقپارات.
«بالاباقشا قىزمەتٸن ليتسەنزييالاۋ جاڭا دٷنيە ەمەس. 2011 جىلعا دەيٸن ليتسەنزييالاۋ بولعان. سول جىلدارى مينيسترلٸكتٸڭ الدىندا بالالاردى مەكتەپكە دەيٸنگٸ بٸلٸم-تەربيە وشاعىمەن قامتاماسىز ەتۋ مٸندەتٸ تۇردى. سول سەبەپتٸ ليتسەنزييالاۋدى ۋاقىتشا الىپ تاستادى. سودان بەرٸ 10 جىل ۋاقىتتىڭ ٸشٸندە بالاباقشامەن قامتۋ ماقساتى ورىندالدى. بٷگٸندە ەلٸمٸز بويىنشا بالاباقشامەن قامتۋ كٶرسەتكٸشٸ 99 پايىزدى قۇرايدى. ەندٸگٸ ۋاقىتتا ساپاعا مەن بەرۋ كەرەك. ياعني بالاباقشالاردىڭ قانشالىقتى زاڭ, تالاپ پەن سۇرانىسقا ساي جۇمىس ٸستەيتٸنٸ ماڭىزدى بولىپ وتىر», - دەدٸ گٷلزات كٶبەنوۆا مينيسترلٸكتٸڭ «Oqu-ağartu LIVE» جوباسىنىڭ ەفيرٸندە.
ونىڭ ايتۋىنشا, بيىل جەنە كەلەسٸ جىلى بالاباقشالاردى ليتسەنزييالاۋعا دايىندىق جۇمىسى جٷرەدٸ. ال ليتسەنزييا بەرۋ 2024 جىلى باستالماق.
«ليتسەنزييالاۋ جۇمىسى كەزەڭ-كەزەڭٸمەن جٷرەدٸ. ول ەڭ الدىمەن جاڭادان اشىلعان بالاباقشالارعا قاتىستى. ايتا كەتسەك, ەلٸمٸزدە ورتاشا ەسەپپەن جىلىنا 200 بالاباقشا اشىلادى. ەكٸنشٸدەن, مەملەكەتتٸك اتتەستاتسييادان ٶتپەگەن بالاباقشالار ليتسەنزييالانادى. ستاتيستيكاعا سٷيەنسەك, مەملەكەتتٸك اتتەستيتسييادان 2 رەت ٶتپەي قالعان بالاباقشالاردىڭ ٷلەسٸ 1-2 پايىزدى قۇراپ وتىر. ٷشٸنشٸ كەزەڭدە قىزمەتٸ بويىنشا تەۋەكەل جەنە كٷمەن تۋدىراتىن بالاباقشالار ليتسەنزييالانادى», - دەيدٸ ول.
سونداي-اق, كوميتەت باسشىسى بٸلٸم بەرۋ ۇيىمدارىنىڭ قىزمەتٸن ليتسەنزييالاۋ مەكتەپ جەنە كوللەدجدەردە بار ەكەنٸن ەسكە سالدى.
