2024 jyldan bastap Qazaqstanda balabaqshalar qyzmetin litsenziialaý sharasy qolǵa alynady. Bul týraly QR Oqý-aǵartý ministrligi bilim jáne ǵylym salasynda sapany qamtamasyz etý komitetiniń tóraǵasy Gúlzat Kóbenova málim etti, dep habarlaidy QazAqparat.
«Balabaqsha qyzmetin litsenziialaý jańa dúnie emes. 2011 jylǵa deiin litsenziialaý bolǵan. Sol jyldary ministrliktiń aldynda balalardy mektepke deiingi bilim-tárbie oshaǵymen qamtamasyz etý mindeti turdy. Sol sebepti litsenziialaýdy ýaqytsha alyp tastady. Sodan beri 10 jyl ýaqyttyń ishinde balabaqshamen qamtý maqsaty oryndaldy. Búginde elimiz boiynsha balabaqshamen qamtý kórsetkishi 99 paiyzdy quraidy. Endigi ýaqytta sapaǵa mán berý kerek. Iaǵni balabaqshalardyń qanshalyqty zań, talap pen suranysqa sai jumys isteitini mańyzdy bolyp otyr», - dedi Gúlzat Kóbenova ministrliktiń «Oqu-ağartu LIVE» jobasynyń efirinde.
Onyń aitýynsha, biyl jáne kelesi jyly balabaqshalardy litsenziialaýǵa daiyndyq jumysy júredi. Al litsenziia berý 2024 jyly bastalmaq.
«Litsenziialaý jumysy kezeń-kezeńimen júredi. Ol eń aldymen jańadan ashylǵan balabaqshalarǵa qatysty. Aita ketsek, elimizde ortasha eseppen jylyna 200 balabaqsha ashylady. Ekinshiden, memlekettik attestatsiiadan ótpegen balabaqshalar litsenziialanady. Statistikaǵa súiensek, memlekettik attestitsiiadan 2 ret ótpei qalǵan balabaqshalardyń úlesi 1-2 paiyzdy qurap otyr. Úshinshi kezeńde qyzmeti boiynsha táýekel jáne kúmán týdyratyn balabaqshalar litsenziialanady», - deidi ol.
Sondai-aq, komitet basshysy bilim berý uiymdarynyń qyzmetin litsenziialaý mektep jáne kolledjderde bar ekenin eske saldy.
