بالاباقشادان بالا ۇرلاماق بولعان تەربيەشٸنٸڭ ەلەۋمەتتٸك جاعدايى جامان ەمەس, ەڭبەكاقىسى باسقا ەرٸپتەستەرٸمەن سالىستىرعاندا ەدەۋٸر جوعارى بولعان. بۇل تۋرالى الماتى قالاسىنداعى №96 بٶبەكجاي-بالاباقاشاسىنىڭ مەڭگەرۋشٸسٸ ناتاليا كاراسەۆا ايتتى, دەپ حابارلايدى قازاقپارات.
بەس جاسار بالانى ۇرلاۋعا ەرەكەتتەنگەن ساياگٷل جاڭالىق №96 بالاباقشادا تەربيەشٸ بولىپ 5 جىلدان بەرٸ جۇمىس ٸستەپ كەلگەن. ٶزٸن تەك جاقسى جاعىنان كٶرسەتكەن ٷلگٸلٸ قىزمەتكەردٸڭ ەڭبەكاقىسى دا ٶزگەلەرمەن سالىستىرعاندا جوعارى بولعان.
«بٸزدٸڭ بالاباقشادا 19 تەربيەشٸ جۇمىس ٸستەيدٸ. ەركٸمنٸڭ ەڭبەكاقىسى ەرتٷرلٸ, تەربيەشٸنٸڭ ەڭبەك ٶتٸلٸنە بايلانىستى. ساياگٷل 130 مىڭ تەڭگە الاتىن. بٸر قىزىعى ول ەشقاشان ەلەۋمەتتٸك جاعدايىنا شاعىمدانعان ەمەس, ونىڭ بويىنان تەك ٸزەتتٸلٸك پەن كٸشٸپەيٸلدٸلٸكتٸ كٶرەتٸن ەدٸك. تٸپتٸ اتا-انالاردا جۇمىسىنا ريزاشىلىقتارىن بٸلدٸرٸپ جٷرەتٸن. ول 1 شٸلدەدەن 12 تامىزعا دەيٸن ەڭبەك دەمالىسىنا شىققان ەدٸ», - دەدٸ №96 بٶبەكجاي-بالاباقشاسىنىڭ مەڭگەرۋشٸسٸ ناتاليا كاراسەۆا.
مەڭگەرۋشٸنٸڭ ايتۋىنشا, ول الماتى قالاسىندا تۇرادى. تۇرمىس قۇرماعان. ٷش ٸنٸسٸ بار.
تەربيەشٸ ۇرلاپ ەكەتپەك بولعان بالانىڭ ەسٸمٸ ەليحان. قازٸر ول بالاباقشاعا كەلٸپ جٷرگەن جوق.
№96 بٶبەكجاي-بالاباقشاسى — ارالاس مەكتەپكە دەيٸنگٸ مەكەمە. مۇندا 12 توپ جۇمىس ٸستەيدٸ. ولاردىڭ التاۋى قازاق, التاۋى ورىس توبى. بارلىعى 118 بالا.
ەستەرٸڭٸزگە سالا كەتەيٸك,16 شٸلدە كٷنٸ الماتىدا بەت-ەلپەتٸن جاسىرعان ەيەل بالاباقشادان بالا ۇرلاماق بولعان. الايدا, جامان ويىن ٸسكە اسىرا المادى. كەيٸن, 25 شٸلدە كٷنٸ كٷدٸكتٸ ۇستالدى.
الماتى بالاباقشالارى ەندٸ بالانى تۋىستارىنا سەنٸمحات كٶرسەتكەندە عانا بەرەدٸ.
قازٸر پوليتسييا كٷدٸكتٸنٸڭ ٷستٸنەن قر قك 125-بابى بويىنشا (ادام ۇرلاۋ) قىلمىستىق ٸس قوزعادى.
