فوتو © تۋرار كازانگاپوۆ
كٶكتەم باستالىسىمەن قازاقستاندا گٷلدەر مەن تٷرلٸ ٶسٸمدٸكتەر جاپپاي گٷلدەيدٸ. الايدا ولاردىڭ كەيبٸرٸن جۇلۋ قازاقستاندىقتارعا ٶتە قىمباتقا تٷسۋٸ مٷمكٸن, دەپ حابارلايدى Ult.kz Tengrinews.kz-كە سٸلتەمە جاساپ.
ەكولوگييا جەنە تابيعي رەسۋرستار مينيسترلٸگٸنٸڭ مەلٸمەتٸنشە, قازاقستاننىڭ قىزىل كٸتابىنا ٶسٸمدٸكتەردٸڭ 387 تٷرٸ ەنگٸزٸلگەن. ونىڭ ٸشٸندە دەرٸلٸك ٶسٸمدٸكتەر دە بار. بۇل ٶسٸمدٸكتەردٸ جۇلۋعا, زاقىمداۋعا نەمەسە ساتۋعا قاتاڭ تىيىم سالىنعان.
سيرەك ٶسٸمدٸكتەردٸڭ قاتارىندا باقباقتىڭ كەيبٸر تٷرلەرٸ, جۋسان, بۇيرا لالاگٷل, مامىر مەرۋەرتگٷلٸ جەنە قىزعالداقتىڭ ونداعان تٷرٸ بار. اتاپ ايتقاندا, البەرت, گرەيگ, كاۋفمان, رەگەل جەنە شرەنك قىزعالداقتارى ەرەكشە قورعالاتىن ٶسٸمدٸكتەر قاتارىنا جاتادى.
قىلمىستىق كودەكسكە سەيكەس, مۇنداي ٶسٸمدٸكتەردٸ زاڭسىز جۇلۋ نەمەسە جيناۋ اسا اۋىر قۇقىقبۇزۋشىلىق بولىپ سانالادى. مۇنداي ەرەكەت ٷشٸن 3 000 ايلىق ەسەپتٸك كٶرسەتكٸشكە دەيٸن, ياعني 2026 جىلى شامامەن 13 ميلليون تەڭگەگە دەيٸن ايىپپۇل سالىنۋى مٷمكٸن. سونىمەن قاتار تٷزەتۋ جۇمىستارى, باس بوستاندىعىن شەكتەۋ نەمەسە 3 جىلعا دەيٸن تٷرمە جازاسى دا قاراستىرىلعان.
مينيسترلٸك ازاماتتارعا جابايى ٶسٸمدٸكتەردٸ تەك جەكە پايدالانۋ ٷشٸن جەنە تەك زاڭمەن رۇقسات ەتٸلگەن تٷرلەردٸ عانا جيناۋعا بولاتىنىن ەسكەرتتٸ. قىزىل كٸتاپقا ەنگٸزٸلگەن ٶسٸمدٸكتەردٸ جۇلۋعا تولىق تىيىم سالىنعان.
ايتا كەتەيٸك, بۇعان دەيٸن مينيستر ەرلان نىسانباەۆ بەيشەشەك جۇلعاندار دا قاتاڭ جازاعا تارتىلۋى مٷمكٸن ەكەنٸن ايتقان بولاتىن.
