Foto © Týrar Kazangapov
Kóktem bastalysymen Qazaqstanda gúlder men túrli ósimdikter jappai gúldeidi. Alaida olardyń keibirin julý qazaqstandyqtarǵa óte qymbatqa túsýi múmkin, dep habarlaidy Ult.kz Tengrinews.kz-ke silteme jasap.
Ekologiia jáne tabiǵi resýrstar ministrliginiń málimetinshe, Qazaqstannyń Qyzyl kitabyna ósimdikterdiń 387 túri engizilgen. Onyń ishinde dárilik ósimdikter de bar. Bul ósimdikterdi julýǵa, zaqymdaýǵa nemese satýǵa qatań tyiym salynǵan.
Sirek ósimdikterdiń qatarynda baqbaqtyń keibir túrleri, jýsan, buira lalagúl, mamyr merýertgúli jáne qyzǵaldaqtyń ondaǵan túri bar. Atap aitqanda, Albert, Greig, Kaýfman, Regel jáne Shrenk qyzǵaldaqtary erekshe qorǵalatyn ósimdikter qataryna jatady.
Qylmystyq kodekske sáikes, mundai ósimdikterdi zańsyz julý nemese jinaý asa aýyr quqyqbuzýshylyq bolyp sanalady. Mundai áreket úshin 3 000 ailyq eseptik kórsetkishke deiin, iaǵni 2026 jyly shamamen 13 million teńgege deiin aiyppul salynýy múmkin. Sonymen qatar túzetý jumystary, bas bostandyǵyn shekteý nemese 3 jylǵa deiin túrme jazasy da qarastyrylǵan.
Ministrlik azamattarǵa jabaiy ósimdikterdi tek jeke paidalaný úshin jáne tek zańmen ruqsat etilgen túrlerdi ǵana jinaýǵa bolatynyn eskertti. Qyzyl kitapqa engizilgen ósimdikterdi julýǵa tolyq tyiym salynǵan.
Aita keteiik, buǵan deiin ministr Erlan Nysanbaev báisheshek julǵandar da qatań jazaǵa tartylýy múmkin ekenin aitqan bolatyn.
