موزامبيكتٸڭ سولتٷستٸگٸندە راديكالدى دٸني توپتارمەن قاقتىعىستا رەسەيدٸڭ بەس جالدامالى ساربازى قازا تاپتى دەپ حابارلادى قۇپييا دەرەككٶزگە سٷيەنگەن Carta de Mocambique باسىلىمى. ساربازدار "ۆاگنەر" جالدامالى ەسكەري توبىندا قىزمەت ەتكەن.
باسىلىم دەرەگٸنشە, 27 قازاندا كابۋ-دەلگادۋ پروۆينتسيياسىندا رەسەي جالدامالىلارى جەرگٸلٸكتٸ سودىرلاردىڭ قورشاۋىندا قالعان. قاقتىعىس كەزٸندە ٷكٸمەت ەسكەرٸنٸڭ 20 ساربازى جەنە رەسەيدٸڭ بەس جالدامالى ساربازى قازا تاپقان.
ولاردىڭ سٷيەكتەرٸ مۋەدا قالاسىنداعى اۋرۋحاناعا جەتكٸزٸلگەن. رەسەي بيلٸگٸ بۇل اقپاراتقا بايلانىستى تٷسٸنٸكتەمە بەرمەدٸ.
موزامبيكتٸڭ سولتٷستٸگٸندە ٷكٸمەت كٷشتەرٸ مەن دٸني راديكالدى توپتار اراسىندا 2017 جىلدان بەرٸ قاقتىعىس جالعاسىپ كەلەدٸ. رەسەي مەن موزامبيك 2015 جىلى ەسكەري-تەحنيكا بويىنشا ەرٸپتەستٸك تۋرالى كەلٸسٸمگە قول قويعان. ەكٸ مەملەكەت اراسىندا ەسكەري ەرٸپتەستٸك ورناتۋ تۋرالى 2016 جىلى قول قويىلعان كەلٸسٸم دە بار. الايدا وسى ۋاقىتقا دەيٸن موزامبيككە رەسمي تٷردە ەسكەريلەر جٸبەرٸلمەدٸ.
قازان ايىنىڭ باسىندا Carta de Mocambique "ۆاگنەر" جالدامالى ەسكەري توبىندا قىزمەت اتقارعان بٸر ساربازدىڭ سودىرلار شابۋىلى كەزٸندە قازا تاپقانىن حابارلاعان. بۇل اقپاراتقا بايلانىستى تٷسٸنٸكتەمە بەرگەن رەسەي پرەزيدەنتٸنٸڭ باسپاسٶز حاتشىسى دميتريي پەسكوۆ "موزامبيكتە رەسەي ەسكەرٸ جوق" دەگەن.
رەسەي 2014 جىلدان بەرٸ افريكانىڭ 20-دان استام ەلٸمەن ەسكەري ەرٸپتەستٸك تۋرالى كەلٸسٸم جاساسقان. ولاردىڭ اراسىندا وار, مالي, كونگو, رۋاندا, ماداگاسكار بار. ورتالىق افريكا رەسپۋبليكاسىندا "ۆاگنەر" توبى جەرگٸلٸكتٸ ساربازداردى دايارلاۋعا اتسالىسادى.
