تٷرٸكمەنستان پرەزيدەنتٸ عۇربانعۇلى بەردٸمۇحامەدوۆتٸڭ ۇلى, ۆيتسە-پرەمەر سەردار بەردٸمۇحامەدوۆ بيىل 12 ناۋرىزدا ٶتەتٸن پرەزيدەنت سايلاۋىنا تٷسكٸسٸ كەلەتٸنٸن جارييالادى. بۇل جٶنٸندە Salamnews سايتىنا سٷيەنگەن Reuters اگەنتتٸگٸ حابارلادى.
بۇل حابارعا قاراعاندا, سەردار بەردٸمۇحامەدوۆتٸڭ كانديداتۋراسىن تٷرٸكمەنستان بيلٸگٸندەگٸ دەموكراتييالىق پارتييا ۇسىنعان. "عۇربانعۇلى بەردٸمۇحامەدوۆ وسى پارتييا اتىنان ٷش مەرتە پرەزيدەنت سايلاۋىنا قاتىسىپ, ٷشەۋٸندە دە "جەڭٸپ شىققان ەدٸ" دەپ جازادى ازاتتىقتىڭ تٷرٸكمەن رەداكتسيياسى.
تٷرٸكمەنستاننىڭ سايلاۋ جەنە رەفەرەندۋم جٶنٸندەگٸ ورتالىق كوميسسيياسى دٷيسەنبٸ كٷنٸ كەزەكتەن تىس پرەزيدەنت سايلاۋىنىڭ كامپانيياسى باستالعانىن حابارلاپ, رەسمي تٸركەۋدە تۇرعان ٷش ساياسي پارتييانىڭ كانديدات ۇسىنۋىنا رۇقسات بەرگەن. ٷش كٷن بۇرىن تٷرٸكمەنستاندى 15 جىلدان بەرٸ اۆتوريتار جولمەن باسقارىپ كەلە جاتقان عۇربانعۇلى بەردٸمۇحامەدوۆ وتستاۆكاعا كەتەتٸن ويى بار ەكەنٸن اڭعارتقان.
جەراستى شيكٸزاتتارىنا ٶتە باي, بٸراق ساياسي جەنە ەكونوميكالىق تۇرعىدان مەيلٸنشە وقشاۋلانعان بۇل ەلدە دەموكراتييالىق پارتييادان ٶزگە اگرارلىق پارتييا جەنە تٷرٸكمەنستان كەسٸپكەرلەرٸ مەن ٶنەركەسٸپ پارتيياسى بار. ٷشەۋٸ دە بەردٸمۇحامەدوۆتٸ قولدايدى, شىنايى وپپوزيتسييالىق پارتييا جوق.
پرەزيدەنت سايلاۋى 12 اقپاندا جارييالاندى. ودان نەبەرٸ بٸر كٷن بۇرىن عانا پرەزيدەنت بەردٸمۇحامەدوۆ "جاستارعا جول بەرۋ ٷشٸن وتستاۆكاعا كەتكٸسٸ كەلەتٸنٸن" پارلامەنت جوعارعى پالاتاسىنىڭ كەزەكتەن تىس وتىرىسىندا ايتقان ەدٸ.
تٷرٸكمەنستانداعى ساياسي جاعدايدى باقىلاۋشىلار قازٸرگٸ پرەزيدەنت بيلٸگٸن ۇلىنا تاپسىرماقشى دەپ بولجايدى. مۇنداي جورامالدار ايتىلا باستاعانىنا بٸر جىلدان اسقان. 2021 جىلدىڭ قىركٷيەگٸنە 40 جاسقا تولعان سەردار ەندٸ تٷرٸكمەنستان كونستيتۋتسيياسى بويىنشا پرەزيدەنتتٸككە تٷسە الادى.
عۇربانعۇلى بەردٸمۇحامەدوۆ 2007 جىلى اۆتوكرات پرەزيدەنت ساپارمۇرات نييازوۆ قايتىس بولعاننان كەيٸن بيلٸككە كەلگەن.
