فوتو: اقوردا
مەملەكەت باسشىسى قاسىم-جومارت توقاەۆ «قازاقتەلەكوم» اق باسقارما تٶراعاسى باعدات مۋسيندٸ قابىلدادى, دەپ حابارلايدى Ult.kz.
كەزدەسۋ بارىسىندا پرەزيدەنتكە كومپانييانىڭ قىزمەتٸ جەنە سوڭعى ەكٸ جىلدا جٷزەگە اسىرىلعان نەگٸزگٸ ينفراقۇرىلىمدىق ەرٸ تەحنولوگييالىق جوبالاردىڭ نەتيجەلەرٸ باياندالدى. باعدات مۋسيننٸڭ ايتۋىنشا, بٷگٸندە «قازاقتەلەكوم» 1,75 ميلليوننان استام ٷي شارۋاشىلىعىنا قىزمەت كٶرسەتەدٸ.
كومپانييا ەل اۋماعىندا تالشىقتى-وپتيكالىق جەلٸنٸ جٷيەلٸ تٷردە كەڭەيتٸپ, تەلەكوممۋنيكاتسييا نارىعىنىڭ نەگٸزگٸ سەگمەنتتەرٸندە كٶشباسشىلىق ورنىن ساقتاپ وتىر. سونىمەن قاتار ەلدٸ مەكەندەردٸ بايلانىسپەن قامتۋ جۇمىستارى جالعاسۋدا. 2027 جىلدىڭ سوڭىنا دەيٸن حالقى 1 ميلليوننان اساتىن 3 مىڭنان استام اۋىلدى ساپالى بايلانىس قىزمەتٸمەن قامتاماسىز ەتۋ جوسپارلانعان.
كەزدەسۋدە «كاسپيي توبج» حالىقارالىق جوباسىنىڭ جٷزەگە اسىرىلۋى جٶنٸندە دە ايتىلدى. جوبا اياسىندا اقتاۋ – سۋمگايت باعىتى بويىنشا سۋاستى تالشىقتى-وپتيكالىق بايلانىس جەلٸسٸ تارتىلماق. بۇل باستاما قازاقستاننىڭ ترانزيتتٸك ەلەۋەتٸن كٷشەيتٸپ, ەۋروپا مەن ازييا اراسىندا تسيفرلىق دەلٸز قالىپتاستىرۋعا مٷمكٸندٸك بەرەدٸ.
سونداي-اق دەرەكتەردٸ ٶڭدەۋ ينفراقۇرىلىمىن دامىتۋ مەسەلەسٸنە ەرەكشە نازار اۋدارىلدى. ەكٸباستۇز قالاسىندا «دەرەكتەردٸ ٶڭدەۋ ورتالىعى القابى» ستراتەگييالىق جوباسى اياسىندا قۋاتى كەزەڭ-كەزەڭٸمەن ارتتىرىلاتىن زاماناۋي ورتالىق سالىنۋدا. جوبا حالىقارالىق تەحنولوگييالىق كومپانييالاردى تارتۋعا جەنە ەلدٸڭ ينۆەستيتسييالىق تارتىمدىلىعىن ارتتىرۋعا باعىتتالعان.
بۇدان بٶلەك, جاساندى ينتەللەكت تەحنولوگييالارىن ەنگٸزۋگە باسىمدىق بەرٸلەتٸنٸ ايتىلدى. كورپوراتيۆتٸك ٷدەرٸستەردٸ اۆتوماتتاندىرۋعا ارنالعان جي-اگەنتتەردٸ ەزٸرلەۋ, كيبەرقاۋٸپسٸزدٸك شەشٸمدەرٸن جەتٸلدٸرۋ جەنە مەملەكەتتٸك سەكتوردى تسيفرلاندىرۋ بويىنشا بٸرقاتار جوبا ٸسكە اسىرىلۋدا.
پرەزيدەنت شاعىن قالالار مەن اۋىلداردى ساپالى بايلانىس جەنە ينتەرنەتپەن قامتۋدىڭ ماڭىزىن اتاپ ٶتٸپ, تسيفرلاندىرۋ مەن جاساندى ينتەللەكت سالالارىنداعى ينۆەستيتسييالىق جوبالاردى ۋاقتىلى جٷزەگە اسىرۋدى تاپسىردى.
