قر تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ باعدات مۋسين ۇيالى وپەراتورلاردىڭ بازالىق ستانتسييالارى قالاي ورناتىلىپ جاتقانىن ايتىپ بەردٸ, دەپ حابارلايدى قازاقپارات.
«حالىق ٷنٸنە قۇلاق اساتىن مەملەكەت» تۇجىرىمداماسى اياسىندا ٷكٸمەتتٸك ەمەس ۇيىمدارمەن ديالوگ جٷرگٸزٸپ كەلەمٸز. ەرينە, ەگجەي-تەگجەيلٸ زەرتتەۋدٸ قاجەت ەتەتٸن مەسەلەلەر بار. بٸز بۇل سۇراقتاردى جازىپ الىپ, تولىق جاۋاپ بەرۋگە تىرىسامىز. پرەزيدەنت تسيفرلاندىرۋدى بارلىق رەفورمالاردىڭ بازالىق ەلەمەنتٸ رەتٸندە دامىتۋدى ۇسىنعان ەدٸ, بٸز تسيفرلاندىرۋدىڭ بارلىق سالالاردى قولدايتىن قۇرال ەكەنٸن تٷسٸنەمٸز. بۇل رەتتە بٸزدٸڭ مينيسترلٸك بٸرنەشە باعىتتا جۇمىس ٸستەيدٸ. بٸرٸنشٸدەن, بازالىق ينفراقۇرىلىم جاساۋ, ياعني, بٸزدٸڭ مٸندەتٸمٸز – حالىقتى ساپالى بايلانىس ارنالارىمەن قامتاماسىز ەتۋ. پاندەمييا كەزٸندە بٸز ينتەرنەتتٸڭ قانشالىقتى قاجەت ەكەنٸن تٷسٸندٸك», - دەدٸ مينيستر ٸح ازاماتتىق فورۋمدا ٷكٸمەتتٸك ەمەس ۇيىمدارمەن كەزدەسۋ بارىسىندا.
ونىڭ ايتۋىنشا, پاندەميياعا دەيٸن دە 2018 جىلدان باستاپ «تالشىقتى-وپتيكالىق بايلانىس جەلٸسٸ اۋىلعا» جوباسى باستالعان, ونىڭ اياسىندا تالشىقتى-وپتيكالىق بايلانىس جەلٸلەرٸ 1200-دەن استام ەلدٸمەكەنگە جەتكٸزٸلۋٸ تيٸس. سونىمەن بٸرگە, ەلباسى 250 ادام تۇراتىن ەلدٸمەكەندەردٸڭ دە ينتەرنەتكە قوسىلۋىن تاپسىردى.
«بٸز قازٸر بارلىق جەردە بازالىق ستانتسييالار ورناتىپ جاتىرمىز. 3G, 4G موبيلدٸ ينتەرنەت ارقىلى بازالىق ستانتسييانى ورناتۋ – بٸر مەسەلە بولسا, ەكٸنشٸ مەسەلە – ارنانى قامتاماسىز ەتەتٸن ترانسميسسيياعا قوسىلۋ. ەگەر بازالىق ستانتسييا راديورەلەلٸك جابدىق ارقىلى قوسىلسا جەنە ول قاشىق ورنالاسسا, وعان اۋا رايى ەسەر ەتەدٸ. ياعني, بازالىق ستانتسييا – بارلىق اۋرۋدى ەمدەپ جازاتىن پاناتسەيا ەمەس. 250-دەن استام تۇرعىنى بار بارلىق دەرلٸك اۋىلداردا ورناتىلاتىن 3G, 4G وسى بازالىق ستانتسييانىڭ نەگە جالعانۋىنا بايلانىستى بولادى. ەگەر وپتيكالىق ارناعا قوسىلسا – ساپاسى تاماشا بولادى. ال راديورەلەلٸك جابدىق بولسا, ەرينە, ساپاسى سەل تٶمەن بولادى. ال سپۋتنيكتٸك ارنا ارقىلى قوسىلساڭىز, ساپاسى ودان دا تٶمەن بولادى. ەزٸرگە قازاقستاننىڭ بارلىق 4 137 اۋىلىنا وپتيكا جەتكٸزۋدٸڭ مٷمكٸن ەمەستٸگٸن تٷسٸنەمٸز. بٸز ونىڭ قانشا تۇراتىنىن ەسەپتەيمٸز. قوسىمشا بيۋدجەتتەن ەڭ كەمٸ 300 ملرد تەڭگە قاجەت بولادى. بۇل تەك كٷردەلٸ شىعىندارعا ارنالعان قارجى, ودان بٶلەك جىل سايىن ينۆەستيتسييالاۋدى قاجەت ەتەتٸن وپەراتسييالىق شىعىندار بار. اۋىلداعى 250 تۇرعىننىڭ بەرٸندە تەلەفون بولىپ, ەرقايسىسى 1000 تەڭگەدەن تٶلەسە دە, 250 مىڭ تەڭگە عانا جينالادى. ال بازالىق ستانتسييانى كٷتٸپ ۇستاۋ مەن ٸرٸ شىعىندارعا ەلدەقايدا كٶپ قارجى كەرەك جەنە مۇندا ينۆەستيتسييالاردى قايتارۋ بويىنشا ەش كٶرسەتكٸش بايقالمايدى», - دەپ تٷسٸندٸردٸ باعدات مۋسين.
سونىمەن بٸرگە, مينيستر تۇتاس ەلدٸ وپتيكامەن قامتۋ ماقساتى قويىلماعانىن اتاپ ٶتتٸ.
«سوندىقتان وپەراتورلار مەملەكەت وسىنداي مٸندەت قويسا, ينۆەستيتسييالاردى قايتارۋ نۇسقالارىن قاراستىرۋ مەسەلەسٸن كٶتەردٸ. بٸرٸنشٸدەن, بٸز راديوجيٸلٸكتەر تٶلەمٸنە 90% جەڭٸلدٸك قاراستىردىق. ەگەر ولار بۇل سومانى اۋىلدىق ينفراقۇرىلىمدى دامىتۋعا جۇمسايتىن بولسا, تٶلەمەۋگە رۇقسات بەردٸك. ياعني, ەر اۋىلعا ساپالى بايلانىس بٸرتٸندەپ جەتۋٸ ٷشٸن وسى قادامدى تاڭدادىق. باسقا مٸندەتتەمەلەردٸ بٸز قاتاڭ قاداعالايتىن بولامىز. ەگەر ولار ورىندالماسا, سالىقتار تولىعىمەن ەسەپتەلەدٸ. ينتەرنەت بويىنشا بۇل مٸندەتتٸ وسىنداي جولمەن شەشەمٸز. سونىمەن قاتار, تٶمەن وربيتالىق سپۋتنيكتەرمەن دە جۇمىس جٷرگٸزۋدەمٸز, ولار بٸرنەشە Starlink وپەراتورلارىن ٸسكە قوسۋعا تىرىسىپ جاتىر. قازٸر ولار سىناقتان ٶتٸپ جاتىر. بٸزدٸڭ رەسپۋبليكالىق عارىشتىق بايلانىس ورتالىعى دا وسىنداي بايلانىس تٷرٸنٸڭ وپەراتورى بولۋى ٷشٸن كەلٸسسٶزدەر جٷرگٸزەمٸز. بٸزدٸڭ الدىمىزدا بٷكٸل ەلدٸ وپتيكامەن قامتۋ ماقساتى تۇرعان جوق. 250 ادام تۇراتىن اۋىلداردا كەيٸن 150 تۇرعىن قالادى دەپ بولجانۋدا. بەس جىلدا بٷكٸل اۋىل كٶشٸپ كەتۋٸ مٷمكٸن. ۋربانيزاتسييا ٷردٸسٸ جٷرٸپ جاتقانى تٷسٸنٸكتٸ. سوندىقتان بٸز ۇلتتىق ەكونوميكا مينيسترلٸگٸنٸڭ جوسپارىنا سەيكەس جۇمىس اتقارىپ كەلەمٸز, مينيسترلٸك 3 مىڭنان استام ەلدٸمەكەننٸڭ كەلەشەگٸ بار دەپ ايقىندادى, سول اۋىلداردى قاجەتتٸ ساپالى بايلانىسپەن قامتاماسىز ەتەمٸز, - دەدٸ باعدات مۋسين.
