قر دەنساۋلىق ساقتاۋ مينيسترلٸگٸنٸڭ رەسمي ٶكٸلٸ باعدات قوجاحمەتوۆ كوروناۆيرۋسقا قارسى ۆاكتسينانى الۋ تەرتٸبٸن تٷسٸندٸردٸ, دەپ حابارلايدى قازاقپارات.
ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا ول COVID-19 ٸندەتٸنە قارسى ۆاكتسينانى الۋ تۋرالى قانداي دا بٸر ناقتى شەشٸم جاسالماعانىن ايتتى.
«وسى ۆاكتسينالاردى دايارلاۋمەن اينالىسىپ جاتقان ەڭ الدىڭعى قاتارلى زەرتحانالار ٷشٸنشٸ كەزەڭگە جەتتٸ, ياعني كلينيكالىق سىناق فازاسىندا تۇر. ولار تٶرتٸنشٸ كەزەڭدٸ ٶتكٸزۋٸ كەرەك. وسىدان كەيٸن بارلىق حالىقارالىق سەرتيفيكاتتاردان ٶتكەننەن سوڭ, تيٸستٸ ەلدەردٸ بۇل ۆاكتسينا جاپپاي ٶندٸرۋگە شىعارىلادى», - دەدٸ رەسمي ٶكٸل.
«ال بۇعان دەيٸن قازاقستان مەموراندۋمدار نەمەسە كەلٸسٸمدەردٸ بەكٸتۋگە تىرىسادى. بۇل تۇرعىدا ٶزگە ەلدەرگە قاراعاندا وسى ۆاكتسينامەن حالىقتى بٸرٸنشٸ بولىپ قامتاماسىز ەتۋ قادامدارى جاسالادى», - دەدٸ ب. قوجاحمەتوۆ.
