فوتو: instagram/boxingkazakhstan
استانادا ٶتٸپ جاتقان جاستار اراسىنداعى ازييا چەمپيوناتىنىڭ بٸرٸنشٸ كٷنٸندە قازاق بوكسشىلارى سەتتٸ ٶنەر كٶرسەتتٸ. بۇل تۋرالى Sports.kz جازدى.
تۋرنير باسىندا قازاقستانننىڭ بەس بوكسشىسى جەكپە-جەك ٶتكٸزٸپ, بەسەۋٸ دە جەڭٸسكە جەتتٸ. ٷش بوكسشى قارسىلاسىن نوكاۋتقا تٷسٸردٸ.
الەكسەي حاۆانتسەۆ (60 كەلٸ) بٸرٸنشٸ راۋندتا بۋتاندىق بوكسشى دەچەن دورجيدەن باسىم تٷسسە, احمەت ٷسەن (63,5 كەلٸ) تٷركٸمەنستاندىق مەرگەن حودجاماممەدوۆپەن كەزدەسۋٸن رەفەري ٷشٸنشٸ راۋندتا توقتاتتى. ال سانجار-الي بەگاليەۆ (75 كەلٸ) ۆەتنامدىق فام دانگ لۋدى جەڭدٸ. كەزدەسۋ ەكٸ راۋندقا سوزىلدى.
سونىمەن قاتار جارىستىڭ بٸرٸنشٸ كٷنٸ قازاقستان قۇراماسىنىڭ ساپىندا نۇراسىل تٶلەبەك (54 كەلٸ) وڭتٷستٸككورەيالىق بوكسشى چجين چجۋ اندى ايقىن جەڭدٸ. ال جانسەرٸ كٶشەرباەۆ (57 كەلٸ) تايۆاندىق چۋ پو چۋنيامەن ٶتكەن جەكپە-جەكتە جەڭٸسكە جەتتٸ.
