يوردانييانىڭ اممان قالاسىندا بوكستان جاسٶسپٸرٸمدەر اراسىنداعى ازييا بٸرٸنشٸلٸگٸ جالعاسۋدا. جارتىلاي فينال جەكپە-جەكتەرٸنٸڭ قورىتىندىسى بويىنشا, بەس قازاقستاندىق بوكسشى قىز اقتىق سىنعا جولداما الدى, دەپ جازادى Olympic.kz.
46 كەلٸدەگٸ ديانا ەلەۋسٸز ٶزبەكستاندىق جاسمي توحيروۆادان, 48 كەلٸدەگٸ گاۋحار زاردەن ٷندٸستاندىق قارسىلاسىنان جەڭٸلدٸ. 52 كەلٸدەگٸ شاحناز تايىرجانوۆا, 54 كەلٸدەگٸ ايشا ساريەۆالار دا ٷندٸ سپورتشىلارىنا ەسە جٸبەردٸ. 57 كەلٸدەگٸ انار سەلٸمباي يوردانييالىق ايا سۋۆيندەحتكە 2:3 ەسەبٸمەن جول بەردٸ. اۋىر سالماقتاعى ارۋجان زەينوللاەۆا ٶزبەك قىز سوبيراحان شاحوبيدينوۆادان جەڭٸلگەن.
50 كەلٸدەگٸ كارينا توقىباي, 60 كەلٸدەگٸ ۇلدانا تۋباي, 63 كەلٸدەگٸ نۇرسۋلۋ سٷيەنەلٸ, 66 كەلٸدەگٸ ارۋجان جانعاباەۆالار جارتىلاي فينال كەزدەسۋلەرٸندە جەڭٸسكە جەتتٸ. سونداي-اق, 80 كەلٸدەگٸ قۇرالاي ەگٸنبايقىزى ٶزبەكستاندىق رۋكشون پارپيەۆانى 5:0 ەسەبٸمەن ۇتتى.
وسىلايشا, بەس بوكسشى قىزىمىز ازييا چەمپيوناتىنىڭ فينالىندا جۇدىرىقتاسادى.
