قر ادام قۇقىقتارى جٶنٸندەگٸ ۋەكٸلٸ ەلۆيرا ەزٸموۆا مەملەكەت باسشىسىنىڭ قاڭتارداعى جاپپاي تەرتٸپسٸزدٸككە قاتىسۋشىلاردىڭ جازاسىن جەڭٸلدەتۋ تۋرالى تاپسىرماسىنىڭ كەي ٶڭٸردە ورىندالماي جاتقانىن ايتتى, دەپ حابارلايدى قازاقپارات.
«بۇقارالىق اقپارات قۇرالدارىندا جەنە پروكۋراتۋرانىڭ اتىنا مەلٸمدەمە جاساۋعا باتىلى جەتكەن ازاماتتاردى قۋدالاۋدان ەرٸ قىسىم كٶرسەتۋدەن تىيىلۋىمىز قاجەت. پروكۋراتۋرانىڭ باق پەن ەلەۋمەتتٸك جەلٸدەگٸ قوعامدىق رەزونانس تۋدىرعان شاعىمدارعا جەدەل جەنە جارييا تٷردە ەرەكەت ەتۋٸ ماڭىزدى. پروتسەسسۋالدىق ٸس-ەرەكەتتەردٸ جٷرگٸزۋ بارىسىنداعى قاتٸگەزدٸك تانىتۋ, ادۆوكاتتىڭ بولماۋى, پسيحولوگييالىق قىسىم كٶرسەتۋ جەنە باسقا دا زاڭبۇزۋشىلىقتار تۋرالى حابارلامالار سۋديالار مەن پروكۋرورلاردىڭ تاراپىنان قاپەرگە الىنۋى تيٸس. بۇل ەكمشٸلٸك جازا تۋرالى سوت شەشٸمٸن شىعارۋعا دا قاتىستى», - دەدٸ ەلۆيرا ەزٸموۆا ەۋروپالىق وداق ەلدەرٸنٸڭ ادام قۇقىقتارى جٶنٸندەگٸ 10 ەلشٸسٸمەن ونلاين كەزدەۋ بارىسىندا.
ونىڭ اتاپ ٶتۋٸنشە, 25 قاڭتاردا ەلٸمٸزدٸڭ باس پروكۋراتۋراسى قاڭتار وقيعاسىنا قاتىستى 9 257 ەكٸمشٸلٸك ٸس قارالعانىن حابارلاعان.
اتالعان ٸستٸڭ جارتىسىنا جۋىعىندا, ياعني 4 584 ٸستە سوت ايىپتالۋشىلارعا ەسكەرتۋ عانا بەرگەن.
«جاپپاي تەرتٸپسٸزدٸككە دەيٸن بەيبٸت شەرۋدٸڭ بولعانى مەملەكەتتٸك دەڭگەيدە مويىندالعانىن ەسكەرە وتىرىپ, بارلىق پروتسەسسۋالدىق تەتٸكتەردٸ ٸسكە قوسۋ قاجەت. وسىعان وراي, باس پروكۋروردان ارناۋلى جەنە تەرگەۋ پروكۋرورلارىنا جەرگٸلٸكتٸ جەرلەردە تيٸستٸ ٸس-شارالاردى قابىلداۋدى تاپسىرۋىن ٶتٸنەمٸن. ٶكٸنٸشكە قاراي, بٸز مەملەكەت باسشىسىنىڭ اۋىرلاتاتىن مەن-جاي بولماعان كەزدە جاپپاي تەرتٸپسٸزدٸككە قاتىسۋشىلاردىڭ جازاسىن جەڭٸلدەتۋ تۋرالى تاپسىرماسىنىڭ بارلىق ٶڭٸردە بٸردەي ورىندالماعانىن بايقاپ وتىرمىز», - دەدٸ ول.
