اعدام ايماعىندا جٷرگەن ەزەربايجان ساپەرلەرٸ.
ەزەربايجان تۇتقىنعا تٷسكەن 15 ارميان ساربازىن مينا الاڭدارىنىڭ كارتاسىنا الماستىردى. بۇل تۋرالى 3 شٸلدە كٷنٸ ەكٸ ەلدٸڭ سىرتقى ٸستەر مينيسترلٸكتەرٸ حابارلادى, دەپ جازادى ازاتتىق.
بىلتىر كٷزدە ەزەربايجان مەن ارمەنييا اراسىندا تاۋلى قاراباق پەن ونىڭ اينالاسىنداعى اۋماق ٷشٸن التى اپتالىق سوعىس بولىپ, ونىڭ سوڭى رەسەيدٸڭ ارااعايىندىعىمەن اياقتالدى. بٸتٸم كەلٸسٸمٸ بويىنشا, باكۋ تاۋلى قاراباقتىڭ ەدەۋٸر بٶلٸگٸ مەن سونىڭ اينالاسىنداعى جەتٸ اۋداندى قايتارىپ الدى, داۋلى ايماققا رەسەيدٸڭ بٸتٸمگەر ەسكەرٸ كٸرگٸزٸلدٸ.
ەزەربايجان سىرتقى ٸستەر مينيسترلٸگٸ ٶز مەلٸمدەمەسٸندە تۇتقىندى كارتاعا الماستىرۋ كەلٸسٸمٸنە رەسەيدٸڭ ۇيىتقى بولعانى جازىلعان. كەلٸسٸم بويىنشا, ارمەنييا باكۋ قاراماعىنا ٶتكەن فيزۋلي جەنە زانگەلان ايماقتارىنداعى 92 مىڭ مينانىڭ ورنالاسقان جەرٸ بەلگٸلەنگەن كارتانى بەرۋٸ تيٸس. بۇل مينالار تانكٸ مەن جاياۋ ەسكەرگە قارسى قويىلعان.
"ادامدىق امالى رەتٸندە ەزەربايجان ارمەنيياعا ۇلتى ارميان 15 ادامدى ەكستراديتسييالادى" دەلٸنگەن مەلٸمدەمەدە.
ساربازدار ەلٸنە قايتارىلعان سوڭ, ارمەنييا ولاردىڭ اتى-جٶنٸن اتاپ, ولاردىڭ بەرٸ ەلدٸڭ سولتٷستٸگٸندەگٸ شيراك وبلىسىنىڭ تۋماسى ەكەنٸن ايتتى.
ماۋسىم ايىندا ەزەربايجان مەن ارمەنييا وسىعان ۇقساس كەلٸسٸم جٷزەگە اسقان. وندا باكۋ 15 ارميان تۇتقىنىن اعدام ايماعىنداعى مينا الاڭدارىنىڭ كارتاسىنا الماستىرعان.
بٸراق بٸتٸمنەن كەيٸنگٸ كٸشٸگٸرٸم داۋ كەزٸندە ەزەربايجان ارمەنييانىڭ 60 شاقتى ساربازىن تۇتقىنعا العان. مەسەلەنٸ قيىنداتقانى, ەزەربايجان قاماۋعا الىنعانداردى سوعىس تۇتقىنى دەپ ساناماي وتىر. جەنەۆا كونۆەنتسيياسى اياسىندا سوعىس تۇتقىندارىنا ەرەكشە مەرتەبە بەرٸلگەن.
