ازاماتتىق اۆياتسييا كوميتەتٸ ۇشاقتا جٷك الىپ جٷرۋ ەرەجەلەرٸن تٷسٸندٸردٸ, دەپ حابارلايدى "ۇلت اقپارات".
ايتا كەتەيٸك, جولجٷك پەن قول جٷگٸن الىپ جٷرۋ نورمالارى بويىنشا سۇراقتار جولاۋشىلار اراسىندا ەرەكشە ٶزەكتٸ.
وسىعان بايلانىستى «قازاقستاننىڭ اۆياتسييا ەكٸمشٸلٸگٸ» اق جولاۋشىلارعا ارنالعان جيىنتىق اقپاراتتى جەنە ەۋە كٶلٸگٸندە جولجٷك پەن قول جٷگٸن الىپ جٷرۋ قاعيدالارى بويىنشا جالپى ۇسىنىمداردى جارييالاۋدى جٶن كٶردٸ.
قازاقستان رەسپۋبليكاسىنىڭ ەۋە كەڭٸستٸگٸن پايدالانۋ جەنە اۆياتسييا قىزمەتٸ تۋرالى زاڭنىڭ 76-بابىنىڭ 1, 2-تارماقتارىنا سەيكەس جولاۋشىلاردى, جولجٷكتٸ جەنە جٷكتەردٸ كوممەرتسييالىق ەۋەمەن تاسىمالداۋ ەۋە بيلەتٸ نەگٸزٸندە جٷزەگە اسىرىلادى. بۇل - جولاۋشىنىڭ ەۋەمەن تاسىمالداۋ شارتىنىڭ تالاپتارىمەن تانىسقانىن راستاۋ.
قول جٷگٸ مەن جولجٷكتٸ تەگٸن الىپ جٷرۋدٸڭ سالماعىن, ٶلشەمدەرٸن جەنە نورمالارىن ەۋە كٶلٸگٸمەن جولاۋشى, باگاج جەنە جٷك تاسىمالداۋ قاعيدالارىنىڭ 59, 62-تارماقتارىنا سەيكەس اۆياكومپانييا بەلگٸلەيدٸ.
باگاجدى تٸركەگەننەن كەيٸن اۆياكومپانييا ونىڭ ساقتالۋىنا جاۋاپ بەرەدٸ. جولاۋشىعا جولجٷك نٶمٸرٸ بار بيركانىڭ ٷزبەلٸ تالونىن جولجٷك جەتكٸزۋ بەكەتٸندە الىنعانعا دەيٸن ساقتاۋ كەرەك.
جولجٷك كەشٸكتٸرٸلگەن, جەتٸسپەگەن, بٷلٸنگەن نەمەسە جوعالعان جاعدايلاردا, سونداي-اق باگاج تٷبٸرتەگٸ مەن جولجٷك نٶمٸرٸ بار بيركانىڭ ٷزبەلٸ تالونىن كٶرسەتپەي جولجٷك بەرٸلگەن جاعدايدا تاسىمالداۋ كەزٸندە اقاۋلىق تۋرالى اكت تولتىرىلادى.
مٷمكٸندٸگٸ شەكتەۋلٸ ادامدار مەن جٷرٸپ-تۇرۋى شەكتەۋلٸ توپتار قاتارىنداعى جولاۋشىلار جەكە پايدالانۋعا ارنالعان زەمبٸلدەردٸ جەنە كرەسلو-اربانى ٶزٸمەن بٸرگە جولجٷك رەتٸندە قوسىمشا تەگٸن الىپ جٷرە الادى.
جولجٷكتٸ, قول جٷگٸن, سونداي-اق ارنايى جولجٷكتٸ الىپ جٷرۋ قاعيدالارى مەن نورمالارى بويىنشا ەگجەي-تەگجەيلٸ اقپارات اۆياكومپانييالاردىڭ رەسمي ۆەب-سايتتارىندا جارييالانادى.
«ٸشكٸ رەيستەردە جولجٷكتٸ تاسىمالداۋ كەزٸندە تۋىنداعان داۋلار جەرگٸلٸكتٸ زاڭناما شەڭبەرٸندە قارالادى. حالىقارالىق باعىتتار بويىنشا شارت شەڭبەرٸندە اۆياكومپانييالاردىڭ جولاۋشىلار الدىنداعى جاۋاپكەرشٸلٸگٸ قاتىسۋشى اۆياتاسىمالداۋشىلاردىڭ قاعيدالارىمەن رەتتەلەدٸ جەنە تۋىنداعان بارلىق داۋلار قاتىسۋشى تاراپ مەملەكەتتەرٸ راتيفيكاتسييالاعان كونۆەنتسييالار مەن حالىقارالىق كەلٸسٸمدەردٸڭ ەرەجەلەرٸنە سەيكەس قارالادى» دەلٸنگەن حابارلامادا.
