ازاماتتار قاڭتار وقيعاسى كەزٸندە ۇرلاندى دەلٸنگەن 120 قارۋدى ٶز ەركٸمەن تاپسىرعان. بۇل تۋرالى قر ٸشكٸ ٸستەر مينيسترلٸگٸ تەرگەۋ دەپارتامەنتٸنٸڭ باستىعى سانجار ەدٸلوۆ ورتالىق كوممۋنيكاتسييالار قىزمەتٸندە ٶتكەن بريفينگٸدە مەلٸم ەتتٸ, دەپ حابارلايدى قازاقپارات.
«قىلمىستىق ەلەمەنتتەر زاڭسىز اينالىمعا تٷسكەن قارۋدى كەز كەلگەن سەتتە بەيبٸت ازاماتتارعا قارسى پايدالانا الادى. وسىعان بايلانىستى قارۋدى ٶز ەركٸمەن تاپسىرۋ جەنە كٷدٸكتٸ ادامدار, اتىس جەنە سۋىق قارۋدى زاڭسىز ساقتاۋ جەنە ساتۋ تۋرالى قانداي دا بٸر اقپاراتتى ۇسىنۋ قاجەتتٸلٸگٸ تۋرالى تٷسٸندٸرۋ جۇمىستارى جالعاسىپ جاتىر. بٷگٸنگٸ تاڭدا ازاماتتار ٶز ەركٸمەن 120 قارۋ تاپسىردى. بۇل رەتتە ولاردىڭ ەشقايسىسى قانداي دا بٸر جاۋاپكەرشٸلٸككە تارتىلعان جوق», -دەدٸ سانجار ەدٸلوۆ.
سونداي-اق, ول قازٸرگٸ ۋاقىتتا ٸشكٸ ٸستەر ورگاندارى تەرگەۋشٸلەرٸنٸڭ ٶندٸرٸسٸندە 2 961 قىلمىستىق ٸس بار ەكەنٸن ەسكە سالدى.
«ولار بويىنشا تٶتەنشە جاعداي كەزەڭٸندە اۋىر جەنە اسا اۋىر قىلمىس جاساعان 176 كٷدٸكتٸ كٷزەتپەن قامالعان. بۇل رەتتە بۇرىن كٷزەتپەن ۇستالعان 245 ادام جاسالعان قىلمىستىڭ اۋىرلىعىن جەنە جەكە باسىنىڭ مٸنەزدەمەسٸن ەسكەرە وتىرىپ, قاماۋدان بوساتىلدى.
بۇل - بۇرىن سوتتالماعان جەنە ٶز ەركٸمەن كەلگەن زالالدىڭ ورنىن تولتىرعان ازاماتتار.
ولار ەشقايدا كەتپەۋ تۋرالى قولحات جازىپ بەردٸ, كەپٸل, ٷيقاماق جەنە جەكە كەپٸلگەرلٸك شارالار قولدانىلدى.
جالپى, كٷدٸكتٸ ادامداردىڭ كٶپشٸلٸگٸنە قاتىستى كٷزەتپەن ۇستاۋ تٷرٸندە بۇلتارتپاۋ شاراسى تاڭدالعان جوق», - دەدٸ ٸٸم ٶكٸلٸ.
