كوللاج: ulysmedia.kz.
اباي وبلىستىق پوليتسييا دەپارتامەنتٸ قازاقستاندا ونلاين الاياقتىقتىڭ جاڭا تٷرٸ بەلەڭ الىپ بارا جاتقانىن ەسكەرتتٸ. بۇل جولى الاياقتار ازاماتتاردىڭ مەملەكەتتٸك قىزمەتتەرگە دەگەن سەنٸمٸن پايدالانىپ وتىر, دەپ حابارلايدى Ult.kz.
بەلگٸلٸ بولعانداي, ولار ٷكٸمەتتٸڭ رەسمي بايلانىس ورتالىعىنىڭ نٶمٸرٸنە ۇقساس نٶمٸرلەردەن حابارلاما جولداپ, «اتىڭىزعا ايىپپۇل كەلدٸ» دەپ كٶرسەتەدٸ. حابارلاما ٸشٸندە «تەكسەرۋ» ٷشٸن ارنايى سٸلتەمە بەرٸلەدٸ.
العاش قاراعاندا سٸلتەمە رەسمي پورتالعا ۇقسايدى. الايدا بۇل – eGov جٷيەسٸن اينىتپاي كٶشٸرگەن جالعان سايت. الاياقتار ونىڭ ينتەرفەيسٸن دەل جاساپ, پايدالانۋشىنى جاڭىلىستىرۋعا تىرىسادى.
مۇنداي سايتتا كەز كەلگەن كٶلٸك نٶمٸرٸن نەمەسە جسن ەنگٸزسەڭٸز دە, جٷيە بٸردەن «ايىپپۇل» تۋرالى جالعان مەلٸمەت شىعارادى. بۇل – پايدالانۋشىنى سەندٸرٸپ, ونى شۇعىل ەرەكەتكە يتەرمەلەۋ ٷشٸن جاسالعان تەسٸل.
«تٶلەۋ» باتىرماسىن باسقان سەتتە سايت بانك كارتاڭىزدىڭ تولىق دەرەكتەرٸن ەنگٸزۋدٸ سۇرايدى. وسىلايشا الاياقتار سٸزدٸڭ قاراجاتىڭىزدى وڭاي يەمدەنەدٸ.
مامانداردىڭ ايتۋىنشا, مۇنداي الاياقتىقتى وڭاي ەشكەرەلەۋگە بولادى: جٷيەگە قاتە دەرەك ەنگٸزسەڭٸز دە «ايىپپۇل» شىعا بەرەدٸ. بۇل – جالعان سەرۆيستٸڭ باستى بەلگٸسٸ.
قۇقىق قورعاۋ ورگاندارى ەسكەرتەدٸ: مەملەكەتتٸك مەكەمەلەر ەشقاشان SMS ارقىلى جەكە نەمەسە بانك دەرەكتەرٸن سۇرامايدى. ايىپپۇلدار تەك رەسمي پلاتفورمالار ارقىلى عانا تەكسەرٸلەدٸ.
پوليتسييا ازاماتتاردى تەك سەنٸمدٸ دەرەككٶزدەرگە جٷگٸنۋگە, كٷمەندٸ سٸلتەمەلەردٸ اشپاۋعا جەنە جەكە مەلٸمەتتەردٸ بٶگدە سايتتارعا ەنگٸزبەۋگە شاقىرادى. كٷدٸكتٸ جاعداي تۋىنداسا, دەرەۋ قۇقىق قورعاۋ ورگاندارىنا حابارلاسۋ قاجەت.
