Kollaj: ulysmedia.kz.
Abai oblystyq politsiia departamenti Qazaqstanda onlain alaiaqtyqtyń jańa túri beleń alyp bara jatqanyn eskertti. Bul joly alaiaqtar azamattardyń memlekettik qyzmetterge degen senimin paidalanyp otyr, dep habarlaidy Ult.kz.
Belgili bolǵandai, olar úkimettiń resmi bailanys ortalyǵynyń nómirine uqsas nómirlerden habarlama joldap, «atyńyzǵa aiyppul keldi» dep kórsetedi. Habarlama ishinde «tekserý» úshin arnaiy silteme beriledi.
Alǵash qaraǵanda silteme resmi portalǵa uqsaidy. Alaida bul – eGov júiesin ainytpai kóshirgen jalǵan sait. Alaiaqtar onyń interfeisin dál jasap, paidalanýshyny jańylystyrýǵa tyrysady.
Mundai saitta kez kelgen kólik nómirin nemese JSN engizseńiz de, júie birden «aiyppul» týraly jalǵan málimet shyǵarady. Bul – paidalanýshyny sendirip, ony shuǵyl áreketke itermeleý úshin jasalǵan tásil.
«Tóleý» batyrmasyn basqan sátte sait bank kartańyzdyń tolyq derekterin engizýdi suraidy. Osylaisha alaiaqtar sizdiń qarajatyńyzdy ońai iemdenedi.
Mamandardyń aitýynsha, mundai alaiaqtyqty ońai áshkereleýge bolady: júiege qate derek engizseńiz de «aiyppul» shyǵa beredi. Bul – jalǵan servistiń basty belgisi.
Quqyq qorǵaý organdary eskertedi: memlekettik mekemeler eshqashan SMS arqyly jeke nemese bank derekterin suramaidy. Aiyppuldar tek resmi platformalar arqyly ǵana tekseriledi.
Politsiia azamattardy tek senimdi derekkózderge júginýge, kúmándi siltemelerdi ashpaýǵa jáne jeke málimetterdi bógde saittarǵa engizbeýge shaqyrady. Kúdikti jaǵdai týyndasa, dereý quqyq qorǵaý organdaryna habarlasý qajet.
