جازۋشى ديدار امانتاي كەشە فەيسبۋك ەلەۋمەتتٸك جەلٸسٸندە توسىن بٸر «مەلٸمدەمە» جاسادى. جازۋشى ٶزٸنٸڭ جەكە اككاۋنتىندا «مەن Abai.kz پورتالىنىڭ قۇرىلتايشىلارىنىڭ بٸرٸ ەدٸم. دەۋرەن قۋات ەنشٸمدٸ بەرمەي, مەنٸ قۇرىلتايشىلىقتان شىعارىپ جٸبەرٸپتٸ» دەپ جازدى. ديداردىڭ بۇل جازباسى بٸزدٸ بٸراز ابدىراتىپ تاستادى, سوسىن مەسەلەنٸڭ مەن-جايىن بٸلمەك بولىپ دەۋرەن قۋاتقا حابارلاستىق.
– دەكە, ديدار دوسىڭىزدىڭ جازباسىن وقىدىڭىز با?
– وقىعىن جوقپىن. وقىماعام سەبەبٸم: دوسىمدى ۇساق-تٷيەك سٶزگە قيعىم كەلمەدٸ. بۇل – باسقا – باسقا, سونوۋ توقسانىنشى جىلداردان بەرٸ جان باۋىر, اينىماس دوس بولىپ كەلە جاتقان ديداردىڭ ايتاتىن سٶزٸ ەمەس دەپ ويلادىم. ديدار ەلەۋمەتتٸك جەلٸدەگٸ جازباسىن الىپ تاستاعانعا ۇقسايدى, ەندٸ ونى قازبالاپ قايتەسٸڭدەر, وسىمەن ەڭگٸمەنٸ دوعارايىق.
– ەرينە, ەڭگٸمەنٸ دوعارۋعا بولادى. بٸزگە سٸزدەردٸڭ الشاڭ باسىپ, بٸرگە جٷرگەندەرٸڭٸز كەرەك, ەيتسە دە, دوسىڭىزدىڭ جازباسىن وقىعان جۇرتتى ەكٸ ويلى ەتپەي, قۇرىلتايشىلىققا قاتىستى سٶزدٸ اشىپ ايتىپ بەرسەڭٸز جٶن بولار ەدٸ.
– ايتايىن. ديدار Abai.kz پورتالىنىڭ قۇرىلتايشىسى بولعان ەمەس. پورتالدىڭ زاڭدى يەسٸ –«اباي اقپارات» قازاق ينتەرنەتٸ كەڭٸستٸگٸن دامىتۋ قورى» قوعامدىق قورى. ول قوعامدىق قوردىڭ قوجايىنى – مەنمٸن.
وسى جوبانى ەۋ باستا بٸرلەسە قولعا العان ايدوس سارىم دا قۇرىلتايشىلىققا كٸرگەن جوق. ال, نەگٸزٸ قۇرىلتايشى بولۋعا ايدوستىڭ تولىق قاقىسى بار ەدٸ.
ايەكەڭ ماعان: «دۋكا, مەن قوعامدىق جۇمىستارمەن جٷرەمٸن, ەرتٷرلٸ جوبالارعا قاتىسامىن, سوندىقتان قورعا ٶزٸڭ يەلٸك ەتە بەر», – دەپ اقىل-كەڭەسٸن ايتتى. بۇل – بار-جوعى شاعىن عانا قور. قازاقستاندا بۇنداي قوردىڭ جەتٸ اتاسى بار. ەرينە, ونىڭ بەرٸ بٸز سيياقتى ەففەكتنىي (تيٸمدٸ) جۇمىس جاساپ جاتقان جوق شىعار, بٸراق, قور از ەمەس. ەندٸ ديداردىڭ جايىنا كەلسەك, الدىمەن مىنا قۇجاتتى ساعان كٶرسەتٸپ العانىم جٶن شىعار. مٸنە, كٶرٸپ وتىرسىڭ, بۇندا د.ا. ياعني ديدار امانتاي دەگەن ەسٸم-سوي جازىلماعان.
بٸر – دەڭٸز. ەكٸنشٸدەن, قۇرىلتايشى تۇرماق, قامقورشىلار كەڭەسٸنٸڭ بٸر مٷشەسٸ اۋىساتىن بولسا, تەرتٸپ بويىنشا, شاعىن جيىن ٶتەدٸ, ەسكەرتۋ جاسالادى, پروتوكول تولتىرىلىپ, ەدٸلەت مينيسترلٸگٸنە بارىپ قايتا تٸركەۋدەن ٶتەدٸ. وعان جەنە قوعامدىق قور مٷشەلەرٸنٸڭ قولى قويىلىپ, كەلٸسٸمٸ حاتتالادى. قول باسىنداي عانا قور بولعانىمەن, كٶردٸڭ بە, بۇنىڭ دا ٶزٸنشە وسىنداي زاڭدىلىعى, ٶزٸندٸك تەرتٸبٸ, ارى-بەرٸ جٷگٸرٸستٸ تالاپ ەتەتٸن جۇمىسى بار.
– تٷسٸنٸكتٸ. ديدار بەلكٸم «قۇرىلتايشىلىقتان مەنٸ شىعارىپ تاستادى» دەپ ەۋەل باستاعى وي مەن يدەيا بٸرلٸگٸن ايتىپ وتىرعان شىعار?
– ەندەشە ەلدٸڭ باسىن قاتىرماي سولاي دەپ انىقتاپ جازباي ما? وي, يدەيا, ماقسات بٸرلٸگٸ, ەسٸڭدە بولسىن, ەنشٸ سۇرامايدى. ەنشٸ تالاپ ەتەتٸن ادام قانداي دا بٸر كوممەرتسييالىق قۇرىلىمدا ٷلەسٸ بار زاڭدى تۇلعا بولىپ تابىلادى. ولاي ەمەس ەكەن, وندا قايداعى ەنشٸ? مەن كٸمگە, نە ٷشٸن ەنشٸ بەرۋٸم كەرەك ەكەن?
«اباي اقپارات» قوعامدىق قورى, بۇل – حولدينگ ەمەس, كونتسەرن ەمەس, كومپانييا ەمەس, تٸپتٸ, جشس دا ەمەس. وسىعان نەگە جۇرتتىڭ قۇسى تٷسٸپ, قۇسىعىن ەرجەرگە تاستاپ جٷرگەنٸن تٷسٸنبەيمٸن. شاماسى, Abai.kz-تٸڭ ابىرويى, قوعامدىق پٸكٸرلەرگە ىقپالى, تانىمالدىعى, باق-تاعى ورنى, بٸر اۋىز سٶزبەن ايتقاندا, جاپ-جاقسى دٷنيە بولىپ شىققانى ٸشٸ تار پەندەلەردٸڭ ٸشٸن ۋداي اشىتىپ جٷر عوي دەيمٸن.
الايدا, مەن ديداردى قىزعانشاقتىققا قيمايمىن, ادام ادامعا دەگەن ساعىنىشىن, رەنٸشٸن, ٶكپەسٸن ەرتٷرلٸ جولمەن بٸلدٸرٸپ جاتادى عوي. جازۋى بٶلەكتەۋ دەكەڭ ماعان دەگەن ٶكپەسٸن دە سول ٶزٸنٸڭ جازۋداعى ماشىعىنا سالىپ بٸلدٸرگەن بولار (ەزۋ تارتتى).
ال, وي مەن ماقسات بٸرلٸگٸنە كەلسەك, ديداردى بۇدان كٸم شەتتەتٸپ, كٸم شىعارىپ جٸبەرٸپتٸ?
ەلدە مەن قازاق مٷددەسٸنە, ۇلت مٷددەسٸنە ساتقىندىق جاساپ, جولدان تايىپپىن با? شاما-شارقىمىزدىڭ جەتكەنٸنشە ەلدٸڭ سٶزٸن سٶيلەپ, ۇلت مۇراتىنا قىزمەت ەتٸپ كەلەمٸز. 2009 جىلدان باستاپ سايتىمىزعا قالام تارتقان ۇلت زييالىلارىنىڭ قاتارى تولىعا تٷسپەسە, كەمٸگەن جوق. ديدار دا جازسىن, قالامىن قولىنا السىن. قازٸر قىزمەت كٷتٸپ ٷيٸندە جاتقان كٶرٸنەدٸ, كەلسٸن مەنٸڭ قاسىما, ورتامىزدا جٷرسٸن. وعان, سٸرە, كٸم قارسى عوي دەيسٸڭ? ٶكپە-رەنٸشٸ بولسا, ٶزٸمە كەلسٸن دە ايتسىن. مارحاببات.
– ٶكپە دەمەكشٸ, وسى دوسىڭىز ەدەبي ورتاعا, جالپى قوعامعا ٶكپەلٸ سيياقتى.
– نەگە ٶكپەلەيدٸ? ديداردىڭ ٶكپەلەيتٸن جٶنٸ جوق, ويىمشا. ول تىرناقالدى دٷنيەلەرٸن جازعان بوزبالا كەزٸنەن باستاپ, اعالاردىڭ الاقانىندا كەلە جاتقان قۇدايدىڭ ەركەسٸ (ديداردىڭ «قۇدايدىڭ ەركەسٸ پروزا» دەگەن ەسسەسٸ ەسٸمە تٷسٸپ كەتتٸ, – دەپ دەكەڭ كٷلٸپ الدى). قولجازباسىن جاراس سەرسەكتەن العان زەينولللا اعا, زەينوللا سەرٸكقاليەۆتٸ ايتامىن, ديداردىڭ رومانى تۋرالى قانداي جىلى پٸكٸر بٸلدٸردٸ?! زەكەڭ مارقۇمنىڭ اق باتا, اق جولتاي لەبٸزٸنەن كەيٸن ديداردىڭ جولى سايراپ قويا بەردٸ.
وعان ەدەبي ينتەللەكتۋالدى ورتا جالت قارادى. ولجاس سٷلەيمەنوۆ, گەرولد بەلگەر, ەۋەزحان قودار, ەلييا بٶپەجانوۆا, زيرا ناۋرىزباەۆا,.. ديداردى القالاعان ەلەۋمەت وسىلايشا كەتە بەرەدٸ. تالاسبەك مارقۇم ەدەبيەت پەن ٶنەردەگٸ مول بٸلٸمٸن, سارقىلماس قازىناسىن ديدار شىعارمالارىن تالداۋعا جۇمسادى. اسپانعا كٶتەردٸ.
وسى اعالارىمىز ديداردىڭ قاسىندا جٷرگەن بٸزگە مەن بەرٸپ قاراعان ەمەس. بۇ بالالاردىڭ دا جازۋعا تالابى بار شىعار, وقۋ-توقۋى بار شىعار دەپ, ەسكەرە قويمادى. بٸراق, مەن ٶز باسىم ديدار ٷشٸن قۋاناتىنمىن. ديدارعا كٶرسەتٸلگەن قۇرمەتكە شەكسٸز ريزا بولاتىنمىن. ەلٸ دە سولاي… قازٸر ديداردىڭ شىعارماشىلىعىنا بايلانىستى پٸكٸر ايتا الاتىن جاس ەدەبيەتشٸلەر ٶسٸپ كەلە جاتىر.
دوسىمنىڭ ەندٸ جاس بۋىن ٷشٸن قادٸرلٸ بولا باستاعانىنا قۋانىپ جٷرمٸن. ەمسە جولى بولسىن, قالام قۋاتى كەمٸمەسٸن دەپ تٸلەيمٸن.
سٷبەلٸ شىعارمالار جازسىن. اتاعى الىسقا كەتسٸن. جالپى ديدار قىزمەتتە دە جولى بولىپ كەلە جاتقان ازامات. نەپاقاسىن رەسپۋبليكالىق تەلەارنالاردان تاۋىپ جٷردٸ, گازەتتەردٸ باسقاردى, «قازاقفيلم» اق-دا باس رەداكتور بولدى, ٷكٸمەتتە, جاڭىلىسپاسام, پرەزيدەنت اپپاراتىندا قىزمەتتەر اتقاردى, سەمەيدەگٸ تەلەاراناعا باسشى بولىپ باردى. ٷيٸ-جايى, قۇدايعا شٷكٸر, جاقسى جارى, بالالارى بار.
كٸمگە, نەگە ٶكپەلەيدٸ ول?
قۇدايعا شٷكٸر, تۇرمىس-تٸرشٸلٸككە دە ەرتە بەيٸمدەلٸپ بەلەندەي تارشىلىق كٶرگەن جوق. مىسالى, بەرٸمٸزدەن بۇرىن باسپانالى بولعان – ديدار. كٸتاپتارى ەرتە باسىلىپ شىققان جازۋشىمىز دا – ديدار. مەملەكتتٸك, قوعامدىق سىيلىقتار مەن ماراپاتتارعا الدىمەن يە بولعان دا – ديدار. شىعارمالارى شەت تٸلدەرٸنە ەڭ كٶپ اۋدارىلىپ ٷلگەرگەن قازٸرگٸ قازاق ەدەبيەتٸندەگٸ قالامگەر دە – ديدار.
اۋدارىلا بەرسٸن, ماراپاتتار مەن سىيلىقتارعا كەنەلە بەرسٸن. تٸلەكتەسپٸن. مەنٸڭشە بولعاندا دوسىمىز وسىنىڭ بەرٸنە قاناعات, شٷكٸر دەۋٸ كەرەك. سٶيتۋٸ كەرەك تە, جاڭا دەڭگەيگە كٶتەرٸلۋٸ كەرەك, پاراسات بيگٸنە, ساليحالى اعالىق جولعا جەتۋٸ كەرەك دەپ ويلايمىن. اعالاردىڭ القاۋىن كٶرگەن ديدار امانتاي قازٸر ٶزٸ دە ەل اعاسى بولىپ قالدى. ەندٸ ول تالاسبەكتەردەن كٶرگەن قامقورلىعىن جاس بۋىنعا كٶرسەتۋٸ كەرەك دەپ ويلايمىن. مەن سولاي ويلايمىن. مٷمكٸن, ول باسقاشا ويلايتىن بولار.
دوسىما, بەلكٸم, قۇرمەت, ماراپات از بولىپ تۇرعان شىعار?.. شىعارمالارىن جاڭا قىرىنان تالدايتىن ەدەبي سىندار جەتپەي جٷرگەن شىعار?.. قايدان بٸلەيٸن.
مەنٸڭ بٸلەتٸنٸم: ديداردىڭ وسى كٶرگەندەرٸنٸڭ بٸرٸن دە ەمٸرحان مارقۇم كٶرمەي كەتتٸ. ەنتسيكلوپەدييالىق بٸلٸمٸ, قاس تالانتى بولا تۇرا ەمٸرحان بالقىبەك قاراپايىم عۇمىر كەشتٸ. قوڭتورعاي عانا تۇرمىسى بولدى. كەيبٸر ورتادا كەمدٸك كٶرٸپ جٷرگەن كەزدەرٸ دە بولدى. سىي-سيياپاتتى بىلاي قويىڭىز, ەسٸل ەر ٶزٸنٸڭ ازاماتتىق بولمىسى مەن شىعارمالارى تۋرالى بٸر دۇرىس پٸكٸر ەستي الماي كەتتٸ عوي. مەن, مٸنە, سول ەمٸرحاندى ساعىنامىن. قاتتى ساعىنامىن. دوستارىمىنىڭ بەرٸ التىن, ەرقايسىسىنىڭ ٶزٸندٸك كەلبەتٸ, ٶزٸندٸك ورىنى بار جٷرەگٸمدە. سونىڭ بٸرٸ, ەرەكشە بٸرٸ – ەمٸرحان ەدٸ.
«شاحماراننىڭ كٸتابى» دەگەن حيكاياتىمدى يىقتاسىپ قاتار جٷرگەن كٷندەرٸمٸزدە ەمٸرحانعا ارناپ جازدىم. «قىزىر ەۋليە مەن مۇساعالاياسسالام» دەگەن حيكاياتىمداعى قىزىر ٸليياسپەن پاراللەل كەيٸپكەر – ەمٸرحان بەينەسٸ بولدى. ەندٸ ويىمدا بٸر روماننىڭ سۇلباسى جٷر. ول روماندا كەيٸپكەر ەمٸرحان ٶزٸنٸڭ جازا الماي كەتكەن رومانىنا نٷكتە قويۋى كەرەك. رومانعا دايىندىعىمدى ەسەلەپ, قازٸر ٸزدەنٸس ٷستٸندەمٸن.
– دەكە, از-كەم سٶزبەن دوس, دوستىق تۋرالى تٷيٸندٸ ويىڭىزدى ايتىپ بەرٸڭٸزشٸ?
– دوستىق, جولداستىق دەگەن – ازاماتقا ول دا بٸر سىن. دوستىقتى كٶتەرٸپ جٷرە الاتىندار بولادى دا, جٷرە المايتىندار بولادى. دوستىقتى مەن ٷلكەن جاۋاپكەرشٸلٸك, ادام تاعدىرىنا تٸكەلەي ىقپال ەتەتٸن جاۋاپكەرشٸلٸك دەپ بٸلەمٸن. كەشٸرە بٸلۋ, دوسىڭنىڭ ارتىق-كەم ٸسٸن ٷنسٸز ٸشكە الۋ, سوسىن سونى ٶزٸنە جۇمساقتاپ ۇقتىرۋ – دوس ادامنان تالاپ ەتٸلەتٸن مٸنەز.
سەنٸڭ سونداي ادالدىعىڭدى, جانىڭنىڭ تازالىعىن تٷسٸنگەن دوس – دوس تا, تٷسٸنبەگەن ادام – جاي ەنشەيٸن بٸرەۋ. ٷنەمٸ سەن عانا ەمەس, دوسىڭ دا سەنٸ كەشٸرٸپ, سەنٸ ايالاي بٸلۋٸ قاجەت. قۇرمەت ەكٸ جاقتان تەڭ بولماسا, ول دوستىق ەمەس.
دوستىقتا تەڭدٸك قانا بولادى, ليدەرلٸك نەمەسە مەنمەندٸك بولمايدى. بولسا, ول دوستىق ەمەس, قوجايىن مەن قىزمەتشٸ. مەن دوستىق دەگەندٸ وسىلاي تٷسٸنەمٸن, وسىلاي قابىلدايمىن.
دوستارىمنىڭ ٸشٸندە كٶپ سىرلاساتىن, كٶپ مۇڭداساتىن دوسىم – سەكەن سىبانباي. ال وسى سەكەن ەكەۋمٸز رەنجٸسپەدٸك پە? ويباي, اتاما, تالاي رەنجٸستٸك.
اعاي (بٸز بٸر بٸرٸمٸزدٸ «اعاي» دەيمٸز) كەيدە ەر-توقىمىن باۋىرىنا الىپ تۋلاعاندا, ماڭىنان جٷرە الماي قالامىن. سوسىن بٸر كٷنٸ «اعاي, قايداسىز?» دەپ ٶزٸ قوڭىراۋ شالىپ تۇرادى. ارامىزدا ەشتەڭە بولماعانداي جاراسىپ كەتە بەرەمٸز. بٸز سيياقتى دوستار قازاق جٸگٸتتەرٸنٸڭ اراسىندا از ەمەس, تەۋبا!
– ديدار اعامىز جازعان اسىلبەك ىقسان, امانگەلدٸ كەڭشٸلٸكتەر تۋرالى نە دەيسٸز?
– ديدار نە دەپتٸ?
– سٸز ولارعا ٷنەمٸ جاۋلىق جاساپ جٷرەتٸن كٶرٸنەسٸز…ديدار امانتاي ٶزٸنٸڭ جازباسىنا بىلاي دەپ پٸكٸرٸ قوسىپتى. قاراڭىز: «اسىلبەك ىقسانعا دا, امانگەلدٸ كەڭشٸلٸكۇلىنا دا سٶيتتٸ. ەرلان تٶلەۋتايعا دا توپىراق شاشتى. كٷيە جاقتى».
– مەن شاشقان توپىراققا كٶمٸلٸپ, مەن جاققان كٷيەدەن قارايىپ قالسا, ونى ديدار امانتاي ەمەس, وسى جٸگٸتتەردٸڭ ٶزدەرٸ ايتسىن.
مەن بٸلەتٸن اسەكەڭ تاماشا پروزايك, كەمەل ازامات, اعا-دوس. ەكەۋمٸز بٸر بٸرٸمٸزگە شىن تٸلەكشٸ جاندارمىز. اپتا ٸشٸندە كٷندە بولماسا دا, كٷن ارالاتىپ حابارلاسىپ تۇرامىز.
اڭقىلداعان ەرلان باۋىرىما كٷيە جاعۋ بىلاي تۇرسىن, «ەي, ەرلان-اي» دەپ كەيٸگەن كەزٸم بولعان ەمەس. قاق-سوقتا جۇمىسى جوق, ٶنەرگە عانا بەرٸلگەن سونداي اسىل ازاماتتىڭ الدىنان توسۋدىڭ ٶزٸ كٷنە عوي! ال امانگەلدٸ بولسا – كەسٸبي سىنشى, ەدەبيەتتٸڭ بٸلگٸرٸ. امانگەلدٸ ماعان, مەن وعان جاۋ بولسام جەتٸسكەن ەكەنبٸز. يە, ەدەبيەت ەلەمٸندەگٸ كٶزقاراس, پٸكٸرٸمٸز ەرتٷرلٸ بولۋى مٷمكٸن, بٸراق, ول جاۋلىق ەمەس قوي. مەن بٸلەمٸن, ەبەكەڭ مەنٸڭ شىعارمالارىما ٷلكەن مەن بەرٸپ قارايدى. اقىل-كەڭەسٸن ايتىپ تۇرادى. مەن بۇل ازاماتتارمەن اراداعى جولداستىققا قۇرمەتپەن قارايمىن.
– «كوممەنتارييلەرٸندە بٸر اسىل وي جوق, سەبەبٸ انونيم, جاۋاپكەرشٸلٸك بولماعان سوڭ, داراقى, دٶرەكٸ, كٶرگەنسٸز سٶز جازىلادى…» دەيدٸ دوسىڭىز.
– انونيم بولعان جەردە اسىل وي بولمايدى. بٸراق, بٸز وقىرمان ويىنا قوزعاۋ سالۋ ٷشٸن, وقىرمان قاۋىمدى ازاماتتىق بەلسەندٸلٸككە شاقىرۋ ٷشٸن كوممەنتارييلەرگە ەركٸندٸك بەردٸك. ول كوممەنتارييلەر بەتٸمەن كەتكەن بيلٸكتەگٸلەردٸ تەزگە سالۋ ٷشٸن كەرەك بولدى. وقىرمانمەن كەرٸ بايلانىستىڭ اشىق فورماتى وسىلاي. ونى ويلاپ تاپقان مەن ەمەسپٸن. سوندىقتان پٸكٸرەلەردٸڭ ٶرلٸ-قىرلى بولۋىنا جاۋاپ بەرە المايمىن. ەگەر ديدارعا نەمەسە جوعارىداعى اتتارى اتالعان ازاماتتارعا قاتىستى اۆتورى بار سىن ماقالالاردى جارييالاپ جاتسام, وندا سٶز باسقا. ەسكە تٷسەدٸ.
بٸردە امانحان ەلٸم اعامىز Abai.kz پورتالىنىڭ ەلەكتروندى پوچتاسىنا اقبەرەن ەلگەزەكتٸڭ ٶلەڭدەرٸن سىناعان ماقالا جٸبەرٸپتٸ. سىناعاندا بار عوي, قاتتى كەتكەن. مەن اقىن ٸنٸمنٸڭ جانىنا اۋىر تيمەسٸنشٸ دەپ, اعانىڭ ماقالاسىن جارييالاعىم كەلمەدٸ سايتتا.
سوندا ٶمٸرجان: «دەكە, سٶزبەن جۇمىس ٸستەيتٸن ادام سٶزگە شىداي دا بٸلۋٸ كەرەك قوي. اقبەرەننٸڭ شىعارماشىلىعىنا امانحان اعا سىن ايتىپ جاتسا, ول دا بٸر دەڭگەيدە اقىننىڭ اقىندى مويىنداۋى. جارييالايىق, تاپ وسىدان اقبەرەن جاماندىق كٶرمەيدٸ», – دەدٸ. مەن كەلٸستٸم. امانحان اعانىڭ سىن ماقالاسى جارىق كٶردٸ.
ماقالاعا بايلانىستى وقىرمان نەشە تٷرلٸ پٸكٸر جازىپ جاتتى. پٸكٸرلەردٸڭ باسىم كٶپشٸلٸگٸ بٸر جاقتى بولدى. اقبەرەننٸڭ اقىندىعىنا سىن ايتىلدى. بٸراق, سوعان قىڭعان اقبەرەن بولعان جوق. ٶزٸنە قاجەتٸن الدى, قاجەت ەمەسٸن قالدىردى. ماعان, ٶمٸرجانعا جاۋ بولىپ كەتكەن جوق. ٶمٸرجان ەكەۋٸ قۇشاقتاسىپ, ەزٸلدەرٸ جاراسىپ وسى كٷنٸ بٸرگە جٷر. ٶمٸشتٸ مەن جاقسى بٸلەم عوي, نەشە جىل Aۆai.kz-دە بٸرگە ٸستەدٸك, وسى سايتتىڭ «وتىمەن كٸرٸپ, كٷلٸمەن شىقتى», ىستىق-سۋىعىنا بٸردەي تٶزدٸ, اينالايىن! سايتتىڭ سايت بولۋىنا ٶلشەۋسٸز ەڭبەگٸن سٸڭٸرگەن سول ٶمٸرجان اقوش دوسىن سىرتىنان جاۋعا بەرگەن ەمەس.
ٶمٸرجان قازٸر «جاس الاش» گازەتٸندە جٷر. بٸراق, كەتەرٸندە مەنەن ەنشٸ سۇراعان جوق (كٷلدٸ).«ايرىلىسار دوس ەردٸڭ ارتقى قاسىن سۇرايدى» دەگەن بابالارىمىز. ەردٸڭ ارتقى قاسىن سۇراۋ, ىرىمعا جامان, قۇرىسىن. ول دەگەن سٶز – قانجىعاسىز بول, ات كٶتٸنەن سىپىرىلىپ تٷسٸپ قال دەگەن سٶز. بۇنداي جاماندىققا مەنٸ ديدار دوسىم قيمايتىن شىعار دەپ ويلايمىن.
– سۇحباتىمىزعا قوسىپ تاعى نە ايتاسىز?
– بولدى-ەي, توقاش! ٸندەتٸپ وتىرىپ بٸراز سٶيلەتتٸڭ مەنٸ.
سۇحباتتاسقان, توقتارەلٸ تاڭجارىق
.jpg)