«ادال كٶمەك» جوباسىنىڭ جەتەكشٸسٸ, ۇلتتىق قوعامدىق سەنٸم كەڭەسٸنٸڭ مٷشەسٸ ايمان وماروۆا قازٸر حالىقتىڭ قۇقىقتىق ساۋاتىن ارتتىرۋ ٸسٸ ٶتە ماڭىزدى ەكەنٸن ايتتى, دەپ حابارلايدى قازاقپارات.
«مەن ٶز جۇمىسىمدا قازاق تٸلدٸ ورتاعا كٶپ نازار اۋدارعىم كەلەدٸ. ەلبەتتە, مەن ول ورتادان شەتتەگٸم كەلمەيدٸ. بٸراق اقپاراتتىق الاڭدا ورىس تٸلٸندە مەلٸمەت, اقپارات تىم كٶپ بولسا, قازاق تٸلٸندە ونداي مٷمكٸندٸك مول دەپ ايتا المايمىز. اۋىلداعى ازاماتتارمەن تٸل تابىسۋ ٶتە قيىن. جالپى قۇقىقتىق ساۋاتقا قاتتى ەسەر ەتەتٸن فاكتوردىڭ بٸرٸ – كومپيۋتەرلٸك ساۋات ەكەنٸنە كٶزٸم جەتتٸ. تسيفرلاندىرۋمەن بٸرگە حالىقتى كومپيۋتەر تٸلٸن مەڭگەرۋگە ٷيرەتۋ كەرەك. كەيدە بۇل تۇرعىدا جۇمىسىمدى قالاي جالعاستىرامىن دەپ ويلايمىن. كەي ازاماتتارمەن سٶيلەسٸپ وتىرىپ, ولار مەنەن «فەيسبۋك دەگەن نە?» دەپ سۇراعان كەزدە نە دەپ جاۋاپ بەرەرٸمدٸ بٸلمەي قالامىن. امال جوق, كەشكە وتىرىپ, تەلەفونمەن بەرٸن تٷسٸندٸرۋگە تۋرا كەلەدٸ», - دەيدٸ ايمان وماروۆا «Antikor LIVE» جوباسىندا.
ادۆوكات قازٸر قوعامدا كوروناۆيرۋس كٶپ مەسەلەنٸڭ بەتٸن اشىپ جاتىر دەگەن پٸكٸرگە قاتىستى ويىن قوستى.
«بٸزدٸڭ جاعدايدا كوروناۆيرۋس قۇقىقتىق نيگيليزم پروبلەماسىنىڭ بەتٸن اشىپ بەردٸ. ادامداردىڭ بەرٸ دە پروبلەما جوق كەزدە بەرٸ ٶز قالپىندا تۇرا بەرۋٸ كەرەك ويلايتىن سەكٸلدٸ. ولاي ەمەس. ادامدار ٶز قۇقىعىن بالا كەزدەن بٸلۋٸ تيٸس. ازاماتتار ٶز قۇقىعىن بالا كەزدەن بٸلسە – قۇقىقبۇزۋشىلىق از بولادى, ەكٸنشٸدەن ولار باسىنا ٸس تٷسكەن كەزدە قايدا بارۋ كەرەكتٸگٸن بٸلەدٸ. اۋىلداعى ازاماتتار قايدا بارارىن بٸلمەيدٸ. بٸلمەگەننەن كەيٸن پروبلەما تۋىنداي بەرەدٸ. بٸرنەشە اي بۇرىن ماعان تٷننٸڭ بٸر ۋاعىندا بٸر ەيەل قوڭىراۋ شالىپ «ەلگٸ بۇرىنعى كٷيەۋٸم اليمەنت تٶلەمەيدٸ, ٶلەمٸن» دەيدٸ. امال جوق, وندايدا پسيحولوگ بولىپ كەتەمٸز», - دەيدٸ ايمان وماروۆا.
