شاعىن جيناقتى مەكتەپتەردٸڭ مۇعالٸمدەرٸنە جالاقى تٶلەۋ تەتٸگٸ ٶزگەرتٸلەدٸ. بۇل تۋرالى قر بٸلٸم جەنە عىلىم مينيسترٸ اسحات ايماعامبەتوۆ ايتتى, دەپ حابارلايدى قازاقپارات.
«مەملەكەت باسشىسى ورتا بٸلٸم بويىنشا قاشىقتان وقىتۋ پلاتفورمالارىنىڭ مٷمكٸندٸگٸن ارتتىرۋ تاپسىرماسىن بەرگەنٸن بٸلەسٸزدەر. بٸركەلكٸلەندٸرۋ, ورتاق تالاپتار قويۋ بويىنشا جۇمىستى باستاپ كەتتٸك. ارى قاراي بۇل جۇمىستى جالعاستىرىپ, تيٸستٸ دەڭگەيدە ورىندايتىن بولامىز. ۇستازداردىڭ جالاقىسى بويىنشا قارجى بيۋدجەتتە قاراستىرىلدى جەنە 1 قاڭتاردان باستاپ بەرٸلەدٸ دەپ وتىرمىز. وسى جىلدىڭ قىركٷيەك ايىنىڭ ٶزٸندە ۇستازداردىڭ دەپتەر تەكسەرۋ بويىنشا ٷستەمەاقىسى 2 ەسە كٶبەيدٸ. سونىمەن قاتار ۇستازداردىڭ سىنىپ جەتەكشٸلٸگٸ ٷشٸن الاتىن ٷستەمەاقىسى دا ەكٸ ەسە ارتىپ وتىر»,- دەدٸ مينيستر ٷكٸمەت ٷيٸندە ٶتكەن باسپاسٶز مەسليحاتىندا.
ونىڭ ايتۋىنشا, بيىل ماگيستراتۋرا بٸتٸرگەن ۇستازدارعا ماگيسترلٸك دەڭگەيٸنە سەيكەس ايىنا قوسىمشا 27 مىڭ تەڭگەدەن الاتىن بولادى.
«مەملەكەت باسشىسى اۋىل, قالا مەكتەپتەرٸن دامىتۋ, ەسٸرەسە جالپى بٸلٸم بەرۋدٸ دامىتۋ بويىنشا تاپسىرما بەردٸ. بۇل تاپسىرمانى ورىنداۋ ٷشٸن تيٸستٸ جۇمىستار جٷرگٸزٸلەتٸن بولادى. ەڭ الدىمەن شاعىن جيناقتى مەكتەپتەرگە قاتىستى. ولاردا بٸرنەشە پروبلەما بار. بٸرٸنشٸسٸ - ۇستازداردىڭ جەتٸسپەۋشٸلٸگٸ, ەكٸنشٸسٸ - ماتەريالدىق-تەحنيكالىق بازاسى, بٸلٸم دەڭگەيٸ. سوندىقتان وسى تۇرعىدا جۇمىس جٷرگٸزەمٸز. ەڭبەكاقى تٶلەۋ تەتٸگٸن ٶزگەرتەمٸز. ۇتقىر مۇعالٸم, ينتەرنات سالۋ, ەدٸستەمەلٸك كٶمەك, وقىتۋ جۇمىستارى, جالپى ماتەريالدىق-تەحنيكالىق بازانى جاڭارتۋ بويىنشا ٸس-شارالار قابىلدانادى», - دەدٸ ول.
