مۇعالٸمدەردٸڭ ەڭبەكاقىسىن تٶلەۋگە قاتىستى مەسەلەنٸ ٶڭٸرلەر دەر ۋاقىتىندا شەشۋٸ تيٸس. بۇل تۋرالى قر بٸلٸم جەنە عىلىم مينيسترٸ اسحات ايماعامبەتوۆ ايتتى, دەپ حابارلايدى قازاقپارات.
«ٶكٸنٸشكە قاراي, وسىنداي وپەراتسييالىق مەسەلەلەرمەن اينالىسۋعا تۋرا كەلٸپ وتىر. ەرينە, بۇل وسى دەڭگەيدە كٶتەرەتٸن مەسەلە ەمەس. مينيسترلٸك ەڭ باستىسى ستراتەگييالىق مەسەلەلەرمەن, بٸلٸم سالاسىنداعى ساياساتتى ٸسكە اسىرۋ مەسەلەلەرٸمەن اينالىسۋى كەرەك جەنە بٸزدٸڭ تٸكەلەي قىزمەتٸمٸز دە سول. ناقتى مۇنى (مۇعالٸمدەرگە ۋاقىتى ەڭبەكاقى مەن ەڭبەك دەمالىس اقىسىن تٶلەۋ) جٷزەگە اسىراتىن - جەرگٸلٸكتٸ اتقارۋشى ورگاندار. ول ٷشٸن بٸلٸم باسقارمالارى, بٸلٸم بٶلٸمدەرٸ, مەكتەپ باسشىلارى بار. وسىنداي دەڭگەيدە ەڭبەكاقى مەسەلەسٸن تالداۋ, «ەڭبەكاقى كەي جەردە تٶلەنبەدٸ» دەگەن مەسەلەنٸڭ ٶزٸن كٶتەرۋ - ەرينە, ىڭعايسىز جايت. بۇل دەڭگەيدە كٶتەرەتٸن مەسەلە ەمەس ەدٸ. بٸراق, بٸزگە ٶتە كٶپ ساۋال تٷسٸپ جاتقاننان كەيٸن ونى كٶتەرٸپ, ناقتى تاپسىرما بەرٸپ, تەكسەرۋ جٷرگٸزۋگە مەجبٷر بولدىق», - دەدٸ مينيستر ۆەدموستۆونىڭ اپپارات جينالىسى بارىسىندا.
وسىعان وراي ول تيٸستٸ شارالار قابىلدانعانىن باسا ايتتى.
«الايدا كەلەسٸ جولى بۇل مەسەلەنٸ مۇنداي دەڭگەيگە كٶتەرەتٸندەي ٶرشٸتۋگە بولمايدى. ٶز دەڭگەيلەرٸڭٸزدە شەشۋلەرٸڭٸز كەرەك. تيٸستٸ شارالار قولدانىلسىن. كوميتەت ارى قاراي دا بۇل جۇمىستى جٷرگٸزٸپ, اياعىنا دەيٸن جەتكٸزەدٸ. ٶيتكەنٸ, بۇل - ەرٸپتەستەرٸمٸزدٸڭ كونستيتۋتسييالىق قۇقىعى. سوندىقتان بۇل مەسەلەنٸ سوڭىنا دەيٸن جەتكٸزەتٸن بولامىز», - دەدٸ اسحات ايماعامبەتوۆ.
