بٸلٸم جەنە عىلىم مينيسترٸ اسحات ايماعامبەتوۆ بٸلٸم بەرۋدٸڭ مەكتەپتەگٸ قالىپتى فورماتىن قايتارۋدى سۇراعان اتا-انالاردىڭ پەتيتسيياسىنا جاۋاپ بەردٸ, دەپ حابارلايدى قازاقپارات.
«دەستٷرلٸ ٸشتەي وقيتىن مەكتەپ قايتارىلسىن» دەگەن پەتيتسييانى وقىدىم. قازاقستاندا كەلەشەكتەگٸ وقىتۋ فورماتىنا الاڭداپ وتىرعان اتا-انالاردىڭ بەرٸنە ايتاتىنىم, قاشىقتان وقىتۋ – ەلەمدٸك Covid-19 پاندەميياسىنا بايلانىستى بەرٸمٸزدٸڭ قاۋٸپسٸزدٸگٸمٸز ٷشٸن قولدانىلعان مەجبٷرلٸ شارا. بٸزدٸڭ الدىمىزدا ناقتى مٸندەت تۇردى - وقۋشىلار مەن بٸلٸم قىزمەتكەرلەرٸنٸڭ دەنساۋلىعىن ساقتاۋ, سونىمەن بٸرگە وقىتۋ پروتسەسٸن ٷزبەۋ. يۋنەسكو مەلٸمەتٸنە سەيكەس, بٷكٸل ەلەمدە 1,5 ملرد وقۋشى قاشىقتان وقىتۋعا مٷمكٸندٸك بەرەتٸن تەحنولوگييالارمەن بٸلٸم الۋدا. بٸز وقۋ ٷردٸسٸن جالعاستىرۋ ٷشٸن قولداعى بار مٷمكٸندٸكتٸ پايدالاندىق. كەيبٸر جاعدايدىڭ كەزدەسكەنٸ بولماسا جالپى ٷردٸس ۇيىمداستىرىلدى دەپ ەسەپتەيمٸن», - دەپ جازدى اسحات ايماعامبەتوۆ Facebook -تەگٸ پاراقشاسىندا.
مينيستردٸڭ ايتۋىنشا, ەيتسە دە قازٸرگٸ تاڭدا بٸلٸم بەرۋدٸڭ ەڭ تيٸمدٸ قۇرالى – دەستٷرلٸ تٷردە مەكتەپتە بٸلٸم الۋ ەكەنٸ انىق.
«ەشكٸم دە دەستٷردٸ ٸشتەي بٸلٸم بەرۋ فورماسىن الىپ تاستاعان جوق. قاشىقتان وقىتۋ – مەجبٷرلٸ شارا بولدى. ەلبەتتە الدا دا مۇنداي جاعدايلارمەن بەتپە-بەت كەلگەن كەزدە بايقاۋ كەرەك. سول سەبەپتٸ مەملەكەت باسشىسىنىڭ تاپسىرماسىمەن بٸز تيٸستٸ جۇمىستاردى ۇيىمداستىرۋدامىز. قاشىقتان وقىتۋدىڭ تەحنولوگييالارىن دامىتىپ, مەكتەپتەردٸ اقپاراتتاندىرۋ جۇمىسىن جٷرگٸزۋ كەرەك. مەسەلەن اۋا رايىنىڭ بۇزىلۋىنا بايلانىستى وقۋشىلاردىڭ وقۋدان قالۋعا مەجبٷر بولاتىن جاعدايىن الىپ قاراستىرايىق نەمەسە كەيدە بالا ٷيٸندە وقۋعا مەجبٷر بولادى. ٸشتەي وقىتۋ فورماتى بٷگٸنگٸ تاڭدا ەڭ تيٸمدٸ شەشٸم ەكەنٸن بەرٸمٸز تٷسٸنٸپ وتىرمىز. كەلەسٸ وقۋ جىلى مەكتەپ قابىرعاسىنان باستالار دەگەن ٷمٸتتەمٸز», - دەيدٸ ول.
