بوس جۇمىس ورىندارىن جاسىرعان مەكتەپ ديرەكتورلارى جاۋاپكەرشٸلٸككە تارتىلادى. بۇل تۋرالى وقۋ-اعارتۋ مينيسترلٸگٸنٸڭ اپپارات جينالىسىندا ۆەدومستۆو باسشىسى اسحات ايماعامبەتوۆ مەلٸمدەدٸ, دەپ حابارلايدى Ulysmedia.kz.
«بٸزدە مەكتەپتە بار كٶپتەگەن بوس ورىندى ديرەكتورلار كٶرسەتپەيدٸ. ونى بٸز جاقسى بٸلەمٸز. جاسىرىپ ۇستايدى. تاريفيكاتسييا جاساعان كەزدە ورىن بار دەپ كٶرسەتٸپ قويادى. بٸراق زاڭ بەكٸتكەندەي, تيٸستٸ ورگاندارعا, ەڭبەكپەن قامتۋ ورگاندارىنا كٶرسەتپەيدٸ. ەشكٸمگە اشىق ايتپايسىزدار. قىركٷيەك ايى ٶتكەننەن كەيٸن, بٸراز ۋاقىتتان سوڭ «ادام كەلمەدٸ, مۇعالٸم تاپپادىق» دەپ, سول بار ساعاتتاردى ٸشتەگٸ جۇمىس ٸستەپ جٷرگەن مۇعالٸمدەرگە بٶلٸپ بەرەسٸزدەر. بۇل - زاڭسىزدىق. مۇندايعا زاڭمەن كٶزدەلگەن جاۋاپكەرشٸلٸك, ونىڭ ٸشٸندە ەكٸمشٸلٸك تە جاۋاپكەرشٸلٸك بار. ول بوس ساعاتتى بٶلگەن كەزدە دە تەۋەكەل كٶپ جەنە وبەكتيۆتٸ جۇمىس جٷرمەيدٸ. ونى دا بٸلەمٸز», - دەدٸ مينيستر.
ايماعامبەتوۆتٸڭ ايتۋىنشا, مەكتەپتەردە 1,5-2 ستاۆكامەن جۇمىس ٸستەيتٸن مۇعالٸمدەر از ەمەس.
«سوندا قازاق تٸلٸ بولسىن, ماتەماتيكا بولسىن, 1 ستاۆكانى, 16 ساعاتتى بەس ادامعا بٶلٸپ بەرۋگە بولادى. بٸر سىنىپتا ماتەماتيكانى ٶتكٸزگەن كەزدە ەكٸ نە ٷش مۇعالٸم ٶتە مە? مۇنداي زاڭسىزدىققا قالاي بارۋعا بولادى? بٸرنەشە وبلىستا 1,5-2 ستاۆكامەن جۇمىس ٸستەيتٸن ادام كٶپ ەكەن. بٸر جاعىنان قاراساق, 40-50 پايىزى 1 ستاۆكادان ارتىق جٷكتەمەمەن وتىر, ونىڭ ٸشٸندە 10-20 پايىزىندا تٸپتٸ جٷكتەمە جوق. مۇنى قالاي تٷسٸنۋگە بولادى? جۇمىسقا ادامداردى بٸز بەكٸتكەن تەرتٸپتٸ بۇزىپ الاتىندار بولسا, وندا جاۋاپكەرشٸلٸككە تارتامىز. ماقسات - مەكتەپتەردٸ بٸلٸمدٸ, بٸلٸكتٸ پەداگوگتەرمەن قامتاماسىز ەتۋ. مۇعالٸمدەردٸ اشىق ەرٸ ەدٸل كونكۋرس ارقىلى جۇمىس الۋىمىز كەرەك», - دەدٸ مينيستر.
