بٸلٸم جەنە عىلىم مينيسترٸ اسحات ايماعامبەتوۆ كٸتاپحانالاردى ەدەبي كٸتاپتارمەن تولىقتىرۋ مەسەلەسٸنە قاتىستى تاپسىرما بەردٸ, دەپ حابارلايدى قازاقپارات.
«بۇل – ٶتە ماڭىزدى تاقىرىپ. مۇنىڭ الدىندا دا وسى تاپسىرمانى بەرگەن بولاتىنبىز (مەكتەپ كٸتاپحانالارىن ەدەبي كٸتاپتارمەن تولىقتىرۋ). وقۋ ساۋاتتىلىعى بويىنشا حالىقارالىق زەرتتەۋلەردٸ قارايتىن بولساق, بٸراز پروبلەما بار. ونى شەشۋ ٷشٸن ەرينە بٸز كٶركەم ەدەبيەتتٸ بالالارعا وقىتۋ بويىنشا ٷلكەن جۇمىس اتقارۋىمىز كەرەك. بٸراق قازٸر كٸتاپحانالارىمىز قانداي جاعدايدا? جالپى كٸتاپحانا قورى قانداي? كٸتاپحاناشىلاردىڭ جاعدايى قانداي? وسى سۇراقتارعا جاۋاپ بەرەر بولساق, ەرينە بٷگٸنگٸ تاڭدا بٸرقاتار مەسەلە بار. سوندىقتان وسى سالا ٷلكەن ٶزگەرٸستەردٸ قاجەت ەتەدٸ», - دەدٸ اسحات ايماعامبەتوۆ بٸلٸم جەنە عىلىم مينيسترلٸگٸنٸڭ اپپاراتتىق وتىرىسىندا.
مينيستر بۇل باعىتتا جول كارتاسى بەكٸتٸلەتٸنٸن جەتكٸزدٸ.
«بٷگٸنگٸ كٷنٸ قازاق تٸلٸندە وقۋشىلاردىڭ 70 پايىزعا جۋىعى بٸلٸم الۋدا. ال وقۋشىلار كٸتاپحاناعا كەلگەندە بٸرٸنشٸدەن قازاق ەدەبيەتٸ بويىنشا تيٸستٸ كٸتاپتار بولۋى كەرەك. ول قولجەتٸمدٸ مە? وسى مەسەلەنٸ شەشۋٸمٸز كەرەك. ەكٸنشٸدەن قازاق ەدەبيەتٸ بٸرٸنشٸ بولسا, ودان كەيٸن دٷنيەجٷزٸلٸك ەدەبيەت قولجەتٸمجٸ بولۋى تيٸس. ەڭ بٸرٸنشٸ كەزەكتە قازاق تٸلٸندە! مىسالى ايزەك ازيموۆ, رەي برەدبەري سەكٸلدٸ ەلەمدٸك كلاسسيكتەردٸڭ قازاق تٸلٸنە اۋدارىلعان كٸتاپتارى بار ما? ولار بار بولعانىمەن كٸتاپتاردى كٸتاپحانالار مەن مەكتەپتەرگە الىپ جاتىرمىز با دەگەن سۇراققا بەرەر بولساق, بۇل شارۋا بٸراز ەڭبەكتٸ قاجەت ەتەدٸ. ول بالالاردىڭ كٶكجيەگٸن كەڭەيتۋٸمٸز كەرەك. بالالار بٸر جاعىنان قازاق, ەكٸنشٸ جاعىنان دٷنيەجٷزٸلٸك ەدەبيەتتەن سۋسىنداپ, ٶزدەرٸ جەتٸلۋٸ تيٸس. سول ارقىلى وقۋ ساۋاتتىلىعىن ارتتىرا الامىز», - دەدٸ ول.
