بٸلٸم جەنە عىلىم مينيسترٸ اسحات ايماعامبەتوۆ اقتٶبەگە جۇمىس ساپارىمەن كەلدٸ, دەپ حابارلايدى وبلىس ەكٸمٸنٸڭ باسپاسٶز قىزمەتٸ.
اسحات ايماعامبەتوۆ ەڭ الدىمەن جۇمىس ساپارىن ق.جۇبانوۆ اتىنداعى اقتٶبە ٶڭٸرلٸك ۋنيۆەرسيتەتٸنٸڭ پروفەسسور-وقىتۋشىلار قاۋىمىمەن كەزدەسۋدەن باستادى. مينيستر بٸلٸم ورداسىنىڭ ۇجىمىنا «بولاشاق» باعدارلاماسىنىڭ تٷلەگٸ, گۋمانيتارلىق عىلىمدار ماگيسترٸ, نازارباەۆ ۋنيۆەرسيتەتٸنٸڭ دوكتورانتى لاۋرا قاراباسوۆانى رەكتور ەتٸپ تاعايىنداپ, ۇجىممەن تانىستىردى.
سودان كەيٸن مينيستر اقتٶبە جوعارى پوليتەحنيكالىق كوللەدجٸندە بولىپ, «جاس مامان» جوباسىنىڭ جۇمىسىمەن تانىستى. كوللەدجدە كٶپتەگەن جاستار اۋىل شارۋاشىلىعى, مۇناي جەنە گاز, ەلەكترمەن جابدىقتاۋ باعىتىندا بٸلٸم الىپ جٷر. كوللەدج ستۋدەنتتەرٸنٸڭ شىعارماشىلىق جۇمىستارىمەن تانىسقان ول مەملەكەت تاراپىنان بٸلٸم سالاسىنا جاسالىپ جاتقان قولداۋ تۇرعىسىنداعى جۇمىستارعا توقتالىپ ٶتتٸ.
سونداي-اق اسحات ايماعامبەتوۆ باتىس-2 شاعىن اۋدانىندا ورنالاسقان «بٸلٸم» مەكتەپ-گيمنازيياسىندا بولدى. جەكە كەسٸپكەردٸڭ قارجىسىنا تۇرعىزىلعان جاڭا نىساننىڭ ٸشٸن ارالاپ كٶرگەن باس ۇستاز زاماناۋي تالاپتارعا ساي جابدىقتالعان سىنىپتارعا ٶزٸنٸڭ وڭ باعاسىن بەرٸپ ٶتتٸ.
جۇمىس ساپارىنىڭ سوڭىندا مينيستر ٶڭٸر باسشىسى ايماقتىڭ بٸلٸم سالاسىنىڭ قىزمەتكەرلەرٸ, پەداگوگيكا قاۋىمداستىعىمەن, مەكتەپ ديرەكتورلارىمەن ۇيىمداستىرىلعان كەزدەسۋگە قاتىسىپ, قر پرەزيدەنتٸنٸڭ جولداۋىندا ايتىلعان باسىمدىقتارعا توقتالدى.
«مەملەكەت باسشىسى بٸلٸم-عىلىم ساپاسىن ارتتىرۋ باعىتىندا الدىمىزعا ناقتى تاپسىرمالار قويىپ وتىر. پەداگوگ مەرتەبەسٸن كٶتەرۋ, مەكتەپ قۇرىلىسىن ارتتىرۋ, جوعارى جەنە ارناۋلى بٸلٸم مەكەمەلەرٸن قولداۋ بويىنشا ەلٸمٸزدە كٶپتەگەن جۇمىستار اتقارىلىپ جاتىر. الداعى ۋاقىتتا پرەزيدەنت تاپسىرماسىن ورىنداۋ بويىنشا ەلٸمٸزدە مىڭنان استام مەكتەپ سالىنادى. اقتٶبە وبلىسىندا دا 20 مەكتەپتٸڭ قۇرىلىسى جٷرگٸزٸلٸپ جاتىر. بٸز وبلىس ەكٸمٸمەن بٸرگە بٸلٸم سالاسىن قولداۋ باعىتىندا ەكٸجاقتى مەموراندۋمعا قول قويدىق. ساپالى بٸلٸم بەرۋ مەن ۇستازدار قاۋىمىن قولداۋ تۇرعىسىنان كەلگەندە اقتٶبە وبلىسىنىڭ ەلەۋەتٸ ٶتە جوعارى. ٶڭٸردە جاسالعان جۇمىستار ٶتە كٶپ, بٸرلەسٸپ اتقاراتىن جۇمىستار ٶز جالعاسىن تاباتىن بولادى», - دەدٸ اسحات ايماعامبەتوۆ.
