فوتو: pexels
«ازاماتتارعا ارنالعان ٷكٸمەت» مەملەكەتتٸك كورپوراتسيياسىنىڭ الماتى قالالىق فيليالى جاڭا تۋعان سەبيلەرگە قويىلعان ەڭ تانىمال ەسٸمدەردٸڭ رەيتينگٸن جارييالادى, دەپ حابارلايدى Ult.kz.
الماتى قالالىق احات باسقارماسىنىڭ مەلٸمەتٸنە سەيكەس, 2026 جىلى مەگاپوليستە 8900 تۋۋ تۋرالى اكت تٸركەلگەن. ونىڭ ٸشٸندە 4653-ٸ — ۇل بالا, 4247-سٸ — قىز بالا.
قىز بالالار اراسىندا ەڭ تانىمال ٷش ەسٸم — ايلين, اسىلىم, توميريس. ال ۇل بالالار اراسىندا مۋحاممەد, الان جەنە اليحان ەسٸمدەرٸ كٶش باستاپ تۇر.
سونىمەن قاتار جيٸ قويىلاتىن ەسٸمدەر قاتارىندا الي, ەلەم, رامازان, امير, ايسۇلتان, حامزا, مەدينا, سافييا, ايىم, ادييا جەنە ايالا بار.
بٷگٸندە اتا-انالار ەسٸم تاڭداۋدا ۇلتتىق دەستٷر مەن زاماناۋي ٷردٸستەردٸ ۇشتاستىرۋعا مەن بەرەدٸ. ماعىناسى تەرەڭ, ايتۋعا جەڭٸل ەرٸ ەۋەزدٸ ەسٸمدەرگە سۇرانىس ارتىپ كەلەدٸ. بۇل ۇلتتىق بولمىس پەن زاماناۋي ترەندتەردٸڭ ٷيلەسٸمٸن كٶرسەتەدٸ.
ەستەرٸڭٸزگە سالا كەتسەك, بالا تۋۋىن تٸركەۋگە ٶتٸنٸشتٸ بٸرنەشە تەسٸلمەن بەرۋگە بولادى: حالىققا قىزمەت كٶرسەتۋ ورتالىقتارى, ەلەكتروندىق ٷكٸمەت پورتالى جەنە ەكٸنشٸ دەڭگەيلٸ بانكتەردٸڭ موبيلدٸ قوسىمشالارى ارقىلى.
سونىمەن قاتار قىزمەت پرواكتيۆتٸ فورماتتا دا قولجەتٸمدٸ. بالا تۋعاننان كەيٸن بٸر تەۋلٸك ٸشٸندە اناسىنىڭ تەلەفونىنا 1414 نٶمٸرٸنەن قۇتتىقتاۋ SMS حابارلاما كەلٸپ, قاجەتتٸ قۇجاتتاردى رەسٸمدەۋ بويىنشا قادامدىق نۇسقاۋلىق ۇسىنىلادى. قىزمەتتٸ قاشىقتان, حقكو-عا بارماي-اق الۋعا بولادى.
