Foto: pexels
«Azamattarǵa arnalǵan úkimet» memlekettik korporatsiiasynyń Almaty qalalyq filialy jańa týǵan sábilerge qoiylǵan eń tanymal esimderdiń reitingin jariialady, dep habarlaidy Ult.kz.
Almaty qalalyq AHAT basqarmasynyń málimetine sáikes, 2026 jyly megapoliste 8900 týý týraly akt tirkelgen. Onyń ishinde 4653-i — ul bala, 4247-si — qyz bala.
Qyz balalar arasynda eń tanymal úsh esim — Ailin, Asylym, Tomiris. Al ul balalar arasynda Mýhammed, Alan jáne Alihan esimderi kósh bastap tur.
Sonymen qatar jii qoiylatyn esimder qatarynda Ali, Álem, Ramazan, Amir, Aisultan, Hamza, Medina, Safiia, Aiym, Adiia jáne Aiala bar.
Búginde ata-analar esim tańdaýda ulttyq dástúr men zamanaýi úrdisterdi ushtastyrýǵa mán beredi. Maǵynasy tereń, aitýǵa jeńil ári áýezdi esimderge suranys artyp keledi. Bul ulttyq bolmys pen zamanaýi trendterdiń úilesimin kórsetedi.
Esterińizge sala ketsek, bala týýyn tirkeýge ótinishti birneshe tásilmen berýge bolady: halyqqa qyzmet kórsetý ortalyqtary, elektrondyq úkimet portaly jáne ekinshi deńgeili bankterdiń mobildi qosymshalary arqyly.
Sonymen qatar qyzmet proaktivti formatta da qoljetimdi. Bala týǵannan keiin bir táýlik ishinde anasynyń telefonyna 1414 nómirinen quttyqtaý SMS habarlama kelip, qajetti qujattardy rásimdeý boiynsha qadamdyq nusqaýlyq usynylady. Qyzmetti qashyqtan, HQKO-ǵa barmai-aq alýǵa bolady.
