مەجٸلٸس دەپۋتاتتارى بەس جىل بويى جالاقىسى ٶسپەيتٸنٸنە ەش ٶكٸنبەيدٸ. پرەزيدەنتتٸڭ پەرمەنٸنە كٶنگەن ولار 600 مىڭ تەڭگەدەن جوعارى الاتىن ايلىعىن قاناعات تۇتىپ وتىر, دەپ حابارلادى Sputnik قازاقستان اگەنتتٸگٸ كتك ارناسىنا سٸلتەمە جاساپ.
كەيبٸر حالىق قالاۋلىلارى تٸپتٸ ٶمٸرٸندە مۇنداي جالاقىنى الىپ كٶرمەگەننەن كەيٸن, قازٸر تەك راحاتىن كٶرٸپ جٷر ەكەن.
"كٶپپەن كٶرگەن ۇلى توي" دەگەن قازاقتىڭ جاقسى بٸر ماقالى بار عوي. سونداي پرينتسيپ بولۋى كەرەك. ەيەلٸم الادى, كارتوچكا سوندا. 650, 630 مىڭ تەڭگە قولىنا الادى. ەت – اۋىلدان, بٸزدٸڭ تۋىستارىمىزدان كەلەدٸ, سوندا بٸر 170-200 مىڭ تەڭگەدەي كەتەتٸن شىعار", - دەيدٸ مەجٸلٸس دەپۋتاتى ەرلان سايىروۆ.
ال ەلنۇر بەيسەنباەۆ بۇعان دەيٸن مۇنداي ايلىق الماعانىن جاسىرمادى.
"سول سەبەپتٸ قازٸرگٸ ايلىق تيٸمدٸ. 600 مىڭ تەڭگە شاماسىندا قاراجات الامىن. شامامەن 150 مىڭ تەڭگەدەي ازىق-تٷلٸگٸمٸزگە كەتەدٸ. ٶيتكەنٸ كٶپبالالى وتباسىمىز. باسقاسىنىڭ بەرٸنە جەتەدٸ", - دەيدٸ دەپۋتات.
1 اقپاننان باستاپ دەپۋتاتتار, مينيسترلەر مەن ەكٸمدەردٸڭ جالاقىسىن الداعى بەس جىلدا كٶبەيتپەيتٸن قاۋلىنى پرەمەر-مينيستر قابىلدادى. الايدا شەنەۋنٸكتەر بولسىن, حالىق قالاۋلىلارى بولسىن, جالاقىنى سول كٷيٸ اي سايىن العانىمەن, مەملەكەتتٸك مەرەكەلەردە سىياقىدان قالىس قالمايدى.
بٷگٸندە ٶڭٸر باسشىلارىنىڭ جالاقىسى ٷكٸمەت مٷشەلەرٸ مەن دەپۋتاتتاردىڭ ايلىعىنان ەجەپتەۋٸر جوعارى. ەكٸمدەرگە بيۋدجەتتەن تەجٸريبەسٸنە قاراي ەكٸ ميلليون تەڭگەگە دەيٸن ايلىق تٷسەدٸ. مەسەلەن, اتىراۋ, قىزىلوردا, تٷركٸستان, ماڭعىستاۋ, اقتٶبە وبلىستارىنىڭ باسشىلارى سول قاتاردا. ال مەملەكەتتٸك قىزمەتتە از تەجٸريبەسٸ بار قاراعاندى, پاۆلودار وبلىستارى ەكٸمدەرٸنٸڭ بٸر ايلىق جالاقىسى ميلليون تەڭگەدەي.
مينيسترلەردٸڭ جالاقىسى 900 مىڭنان باستالسا, قوس پالاتا دەپۋتاتتارى 600 مىڭ تەڭگەدەن جوعارى تابىس تابادى.
