قازاقستان اۋماعىندا ەيەلدەرگە ارنالعان جەكە ۆاگوندار ٸسكە قوسىلمايدى. بۇل تۋرالى «قازاقستان تەمٸر جولى» ۇلتتىق كومپانيياسى تٶراعاسىنىڭ بٸرٸنشٸ ورىنباسارى قانات ەلماعامبەتوۆ باق ٶكٸلدەرٸنٸڭ ساۋالىنا جاۋاپ بەرۋ كەزٸندە ايتتى, دەپ حابارلايدى "ۇلت اقپارات".
«بٸردەن ايتۋ كەرەك, ەيەلدەرگە ارنالعان جەكە ۆاگوندار بولمايدى. كەلەشەكتە كۋپەلەر بولۋى مٷمكٸن. ال جەكە ۆاگون ٸسكە قوسۋ - ٶتە قىمبات بولاتىن شىعار. تالاي جىلدار ٶتكەننەن كەيٸن بولماسا, دەل بٷگٸن ونداي جوسپار جوق», - دەدٸ ول.
قتج ٶكٸلدەرٸ بۇل جەردە حالىق ۆاگون قۇنىنىڭ ٶتە قىمبات ەكەنٸن تٷسٸنۋ كەرەكتٸگٸن اتادى.
باسپاسٶز مەسليحاتى بارىسىندا بٸر ۆاگوننىڭ باعاسى 1 ملن اقش دوللارىنا پارا-پار ەكەنٸ دە ايتىلدى.
